Livalidza 9:13 - KITABU KITAKATIFU

¹³ Navuzwa mundu woosi oveeye mulahi kandi utaveeye ihale mu logendo, kandi uvula kusangalira Lipasaka, sialava mulala ku vandu vange mba, kigira si yahaana vihaanwa ku inzi ku ing'inga yalagwa mba. Mundu uyu alagiinga uvwoni vwivwe umwene.

Livalidza 9:13 ပူးပေါင်းရင်းမြစ်များ

Litanga 17:14

Vuli musaza utakevwa sialava mulala ku vandu vange mba, kigira siyalindi lilagana liange mba.”

Kutwula 12:15

Yahova yavoola, “Ku madiku saba mutalia mugadi guzuganyiywi mu na mamera mba, mulie vuzwa ugutaveeye mu na mamera. Mulidiku liukutanga gamudukira mutulizi amamera goosi mu zinyumba zienyu, kigira niiva mulala ku munyi mumadiku saba yaga alalia mugadi goveeye mu na mamera, sialava mulala ku avandu vange mba.

Kutwula 12:19

Mu madiku saba, amamera gatanyooleka ku mu zinyumba zienyu mba, kigira mundu woosi wa Isiraeli noho mugeni uva nalia kizuganyiywi mu na mamera, alatulizwa hagati ha avandu va Isiraeli.

Kutwula 12:47

Vandu vosi va Isiraeli kuduuka valie nukusangalira lisavo yili,

Kutwula 30:33

Mundu woosi olomba maguta kuli yaga, anoho utumikira maguta yaga ku mundu woosi utaveeye musaalisi, sialavalizwa kuva mulala ku avandu vange mba.’ ”

Kutwula 30:38

Niiva mundu woosi alombaa kimuli kuli yiki ku litumikira maguta gu mwayu, sialavalizwa kuva mulala ku avandu vange mba.”

Ezekieli 23:49

Ndahaana mageri ku munyi kigira uvudamanu vwinyu kandi uvwoni vwinyu vwu kusigamira vifananyi. Maku mulakamanye ndi Inzi mbeeye Yahova Wuvunyali.”

Kyavalevi 17:10

Niiva mundu woosi, wa Isiraeli anoho mugeni umenyi hagati hinyu alalia inyama nikikiri mu na masahi, anoho ulia masahi goosi, ndamutuliza hagati ha avandu vange

Kyavalevi 17:4

muvogono vwo kokeleeta ha vwingiliru vwi Lihema liukuvuganira mu na Yahova, aduuki kukihaana kuli kihanwa imbiri wi Lihema lia Yahova, mundu oyo alavalizwa kuva nilihiolo liukutahiza masahi, na alatulizwa hagati ha avandu veve.

Kyavalevi 20:20

Niiva mundu alagona harara numukali wa koza weve kuli mukali, ahaanaa zisoni ku koza weve vombi valaginga vudamanu vwayo vene na kuduuka vakuzi avagumba.

Kyavalevi 22:9

“Avasaalisi vosi valalinda malago goosi ga mali kuhaana. Nigataveeye ndio valagwa avahioli, ma vakuzi kigira vavuli kutia malago matakatifu. Inzi mbeeye Yahova kandi mbakola kuva avatakatifu.

Kyavalevi 24:15

Maku ovoolere avandu va Isiraeli vosi ndi umundu woosi onyegaa Nyasaye weve kuduuka anyoore mageri,

Livalidza 19:13

Uyu udiira ku mukuzu ma avuli kwitakasa alava mudamanu, kigira akikiri kwuhilwa mazi go kwitakasa. Uyu wononyia Lihema lia Yahova sialavalizwa kuva mulala ku vandu va Nyasaye mba.

Livalidza 19:20

Mundu uva naveeye mudamanu natitakasi, alava mudamanu kigira mazi gu kwitakasa ga kikiri kusundulwa kuye. Mundu uyu yonogonyia Lihema lia Yahova na sialavalizwa kuva mulala ku vandu va Nyasaye mba.

Livalidza 5:31

Musaza alava muvoholore kutura ku vudamanu vwosi, navuzwa mukali alanyoola mageri gu vwoni vwosi.

Livalidza 9:7

ni vavoola, “Kunyi kwayeyononyia kigira kumali kudiira ku miviri mikuzu. Kigira ki kugayiywi kuvuli kuhaana vihaanwa via Yahova harara na vandu va Isiraeli ku ing'inga imali kulagwa?”

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Vahebraina 6:6

Niiva valeka lisuuvira liavo, ganyala kunyalika ndi kandi kuvilanyia vahia vaduuki kwiganira? Vavambaa Mwana wa Nyasaye, kandi kumuleganyira havulavu lwa viirana kokora vwoni.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.