Livalidza 8:17 - KITABU KITAKATIFU

¹⁷ Vuli muyaayi wukutanga kwivulwa mu Isiraeli aveeye wange, vombi avasaza ni mitugu. Lwa ndiita avayaayi vukutanga kwivulwa vosi mu kivala cha Egebeti, Inzi ndatakasa vandu va isiraeli vave vange.

Livalidza 8:17 ပူးပေါင်းရင်းမြစ်များ

Zaburi 105:36

Yita vayaayi vukutanga kwivulwa, vizinyumba ziosi zia Egebeti.

Zaburi 135:8

Yita vasaza vukutanga kwivulwa vosi mu Egebeti, avandu kandi zinyama harara.

Zaburi 78:51

Yita avayaayi vukutanga kwivulwa mu vuli inyumba ya vandu va Egebeti.

Kutwula 12:29

Vudiku hagati Yahova yita avana vayaayi vosi avatanga kwivulwa mu kivala cha Egebeti, kutura ku muyaayi wu Mwami, uwaali avuguli endeve yu vwami inyima wa baba weve kuduuka ku muyaayi wukutanga kwivulwa muhambe oveeye mu vuhambe vugira lieriza; kali mitugu jiosi jukutanga kwivulwa jiitwa.

Kutwula 13:2

“Uhaane ku inzi, Yahova vana vayaayi uvukutanga kwivulwa, kandi mitugu jukutanga kwivulwa. Muyaayi woosi wivulwa kutanga mu Egebeti kandi mutugu gwosi musaza gwivulwa kutanga, viosi viveeye viange.”

Kutwula 29:44

Ndalomba Lihema liukuvuganiramu nu vwali kuva hatakatifu, na ndaviika Haruni na vayaayi veve halovega kundumikira kuli avasaalisi.

Ezekieli 20:12

Kandi ndaavaha lidiku liange lie Lisabato live kuli kelolero hagati haavo ninzi; kunangwa vaduuki kwizuliza ndi Inzi Yahova, ndaavakora kuva avatakatifu.

Kyavalevi 27:26

Chukutanga kwivulwa chu mutugu keveeye cha Yahova, kunangwa atava ho nu mulala uviikaa mutugu yigu halovega kuli kihanwa chu uvwihaani mba. Kemoli, kememe chi ligondi anoho kememe chimbuli keveeye cha Yahova,

Livalidza 3:13

Kigira avana vukutanga vosi vaveeye avange. Lidiku lia ndiita avana vukutanga vosi mu kivala cha Egebeti, ndatakasa vuli lwivulu lwu kutanga mu Isiraeli kigira inze kandi zinyama; valava avange. Inzi mbeeye Yahova.”

Livalidza 8:18

Mali kuvugura ihiiri ya vandu va Levi havogono vwa yavo vosi aviivulwa kutanga mu vandu va Isiraeli.

Luka 2:23

Kuli gang'odwa mulilaga liu Mwami; “Wikisaza woosi wigula inda ya mama weve alalaangwa Mutakatifu wu Mwami.”

Yohana 10:36

Ku lwa inzi Baba yandovola kandi naanduma mu kivala. Kunangwa munyala kovora ndi, ‘Ivi onyegaa Nyasaye?’ Gaveeye kigira ndavoora, ‘Inzi nu mwana wa Nyasaye?’

Yohana 17:19

Kigira yavo inzi nzitakasaa ku ivi, kunangwa yavo vaduuki kwitakasa mu agiligali.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Vahebraina 11:28

Kigira lisuuvira yatangiza lipasaka, nalaga amasahi guufwi ku viliango kunangwa Engelosi wi Likuza avuli kwita avayaayi viivulwa kutanga mu vandu va Isiraeli.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.