Livalidza 8:12 - KITABU KITAKATIFU

¹² Maku ihiiri ya vandu va Levi valaviika makono gaavo ku mitwi ji zigiriki ziviri; na ivi ulavugula igiriki indala uhaane eve kuli kihanwa chu vwoni; niyindi uhaane eve kuli kihanwa chu kusambwa. Nandio, ulakola muluka gwu kutakasa uvwoni vwi ihiiri ya vandu va Levi.

Livalidza 8:12 ပူးပေါင်းရင်းမြစ်များ

Kutwula 29:10

“Oleete igiriki imbiri wi Lihema Liukuvuganira mu, na ovoolere Haruni na vayaayi veve vaviiki amakono gaavo ku mitwi jaavo.

Kyavalevi 1:4

Mundu uhaanaa kihanwa zana, alaviika mukono gwigwe mulungi ku mutwi gwacho nacho kilavugilirwa kuli kisiuviriru chu kusamiiha vwoni vwivwe.

Kyavalevi 14:22

Alaleeta kandi makuulu gaviri gu muvulimu, anoho makuulu gaviri matugi, lilala kigira kihanwa chu uvwoni ni lindi kigira kihanwa chu kusambwa.

Kyavalevi 16:11

Lwa Haruni ava nasinzaa igiriki kuli kihanwa chu uvwoni vwivwe nuvwinyumba yeeye,

Kyavalevi 16:21

Alaviika makono geege gombi ku mutwi gwi imburi eveeye mwoyo nokwiyamira kuyo vwoni vwosi, kandi uvwibaali vwosi vwa avandu va Isiraeli, na alavuvika ku mutwi gwi imburi yeyo. Maku imburi zana ilakungwa izie mwigendanyama nu mundu uva natovoleywe kokora muyinzi yigwo.

Kyavalevi 16:6

Haruni alahaana igiriki kuli kihanwa chukwogiza uvwoni vwivwe mwene nu uvwoni vwa avandu vie inyumba yeeye.

Kyavalevi 4:15

Aviimiliri va vandu va isiraeli valaviika makono gaavo ku mutwi gwekemoli kigiriki, na kilasinzirwa hene yaho,

Kyavalevi 4:20

Musaalisi munene oyo alakola ku igiriki yiyi kuli akolaa ku igiriki yi kihanwa chu uvwoni. Munzira yiyi, musaalisi alahaana kisiuviriru chu vwoni vwavo, na avandu yavo valasamifwa.

Kyavalevi 4:35

Maku alatuliza mu itinya yayo yoosi, itinya itulizwa mu ligondi lisinziywi kigira kihanwa chi mirembe. Musaalisi alagisaamba harara ni vihaanwa vie viukulia vihaanwa ku Yahova. Nandio musaalisi alahaana kisiuviriru chu uvwoni vwu mundu kandi naye alasaamifwa.

Kyavalevi 4:4

Alaleeta igiriki zana ha kirivwa chi Lihema liukuvuganira mu na Yahova. Alaviika mukono gwigwe mulungi ku mutwi gwi giriki zana, nokugisinzira hazana yaho imbiri wa Yahova.

Kyavalevi 5:7

Niiva mundu sialanyala konyoora kememe chi ligondi anoho imburi, alaleeta ku Yahova kuli mutungu gwu vwoni vwivwe, makuulu gaviri matugi anoho makuulu gaviri gumuvulimu. Lilala lilava kisiuviriru chu uvwoni nilindi lilava kisiuviriru chu kusambwa.

Kyavalevi 8:14

Maku Musa yaleeta kemoli kigiriki kuva kihanwa chu uvwoni; Haruni harara na vayaayi veve vaviika makono gaavo ku mutwi gwi kihanwa chu uvwoni.

Kyavalevi 8:15

Musa yaasinza igiriki zana, ma navugura malala ku masahi gayo, nekedete chiche nagavaka ku zinziga zie zimbega ziosi ziu uvwali kuvutakasa. Yamanya naasundula masahi gatigala ha lwaalo lwu uvwali. Munzira yiyi yavutakasa kigira vutumiki vwa Yahova.

Kyavalevi 8:18

Musa yaleeta ligondi limigu kuva kihanwa chukusambwa. Haruni harara na vayaayi veve vaviika makono gaavo ku mutwi gwalio.

Kyavalevi 8:34

Yahova yakulaga kokole ga kumali kolola kalunu, kunangwa kuduuki kutulizaho uvwoni vwinyu.

Kyavalevi 9:7

Maku Musa yavolera Haruni, “Wisundi ku uvwali uhaane kihanwa chicho chu uvwoni, nikihaanwa chicho chu kusambwa kiduuki kutulizaho uvwoni vuvwo kandi uvwoni vwa avandu. Uhaane kihanwa yiki kutulizaho uvwoni vwa avandu, kuli Yahova yalaga.”

Livalidza 6:14

ma ahaane ku Yahova zinyama zing'ano 3 zitaveeye nimbara: Kememe chi ligondi kimigu chu muhiga mulala keve kuli kihanwa chu kusambwa, kememe chi ligondi kisuveni chu muhiga mulala keve kuli kihanwa chu vwoni kandi limigu liduukanu live kuli kihanwa chi mirembe.

Livalidza 6:16

Musaalisi alahaana vindu yivi viosi ku Yahova vive kuli vihaanwa viu vwoni kandi vihaanwa viu kusambwa.

Livalidza 8:13

“Utakase ihiiri ya vandu va Levi vave kuli kihanwa chagimwa ku inzi; uviiki Haruni na vayaayi veve vimiliri vandu va Levi.

Livalidza 8:8

Maku gavadukiraa vavuguli kemoli ki igiriki harara ni kihanwa chu vusie vwu vuswage uvuzuganyiywi na maguta ga muzeituni. Na ivi uvuguli kemoli kindi kigiriki keve kihanwa chu vwoni.

Vahebraina 9:22

Kolondekana ni Lilaga, ahimbi vindu viosi vitakaswa na masahi, kandi uvwoni vusamiifwa vuzwa niiva masahi gasunduliywi.