Livalidza 7:13 - KITABU KITAKATIFU

¹³ Yahaana isahani indala yi ifeza, yaali nu vulitu vwi kiloguramu 1.5, ibakuli indala yi ifeza ziguramu 800 kolondekana ni ligera lie lihema litakatifu, viombi vizura uvusie vwazuganywa maguta kuva kuli kihanwa chu vuswage.

Livalidza 7:13 ပူးပေါင်းရင်းမြစ်များ

1 Avami 7:43

Magare gi zing'ombe likomi ni zibenzeni likomi;

1 Avami 7:45

Zinyingu, mijiko, ni zibakuli viju yivi viosi vie Litembeli; via Huramu yalombera Mwami Solomoni vialombwa ku mugasa gwasiiywa.

Ezara 8:25

Maku ndaagera ifeza, izahabu kandi iviju ni videri veve kandi avanene veve, na vandu va Isiraeli vaali ni vahaani vitumiki mu Litembeli. Ndaavugura vindu yivi nimbana ku vasaalisi.

Kutwula 25:29

Olombe zisahani, vikombe, zijagi, ni vituva viduuki kutumikilwa ku vihaanwa vie iwaini. Yivi viosi vilombwe nizahabu indahi ligali.

Kutwula 30:13

Vuli mundu uvalizwa kuduuka atuungi mutungu gwa mabese genyekaa, nigabimiywi kolondekana ku vuguli vwavugilirwa na vanene. Vuli mundu kuduuka atuungi yaga kuli kihanwa ku Inzi.

Kutwula 37:16

Yalomba viju viezahabu indahi vio komesa; zisahani, vikombe, zijagi, kandi ni zibakuli ziukutumika kuhaanira ku iwaini.

Jeremia 52:19

Vaavugura kindu choosi chalombwa ku izahabu anoho ifeza: Zisahani zinguzuzu, vifulia vitumikanga kuginga amanda gumuliru, zisahani zitumikanga kukinga amasahi kutura ku ivisiuviliru, iviju vivika iligoke, itiiru yi itaya, iviju vitumikaa kusamba vimuli viumwayu, kandi nizisahani zitumikaa kusundura isadaka yi iwaini.

Danyeli 5:2

Lwa vaali nivanweza iwaini, mwami Belishaza yahaana lilago valeete vikombe kandi zibakuli zia lombwa kuzahabu ni feza via baba weve Nebukadineza yaginga kutura mu Litembeli ha Jerusalemi. Mwami Belishaza yatumana vizi kunangwa vandu vu munyumba yu vwami, vakali veve kandi vakali veve vayavika vaduuki kuvitumikira mulinwa iwaini.

Kyavalevi 2:1

Lwu mundu woosi aleetaa ku Yahova kihanwa chu vuswage, kuduuka kutanga asie vusie vunyuki ligali. Alaviika ku maguta ga muzeituni ni kimuli

Kyavalevi 27:25

Vuguli vwosi vulalohizwa nukuviikwa ho kolondekana na yivwo vwavugilirwa na avasaalisi.

Kyavalevi 27:3

Kolondekana nu vuguli vwavugilirwa, musaza muhindira, wi mihiga sirini kuduuka sitini; alatungaa vidonye amusini vie ifeza.

Zekaria 14:20

Ing'inga yeyo, kali zigengere zie lijamu lie zibarasi zilakang'odwe ku mang'oda yaga, “CHATAKASWA KU YAHOVA”. Zinyingu zio kodekera mu Litembeli zilakave zindakatifu kuli viju viveeye imbiri wu vwali.

Livalidza 15:4

Maku mundu woosi uhaana kihanwa chi ligondi noho imburi ku Yahova, alahaana harara nu uvusie vwu vuswage kiloguramu ndala uvuzuganyiywi mu na maguta lita ndala:

Livalidza 28:5

vuli kilala harara ne kihanwa chu vusie vwu vuswage kiloguramu indala vuzuganyiywimu na maguta malahi muzeituni lita ndala.

Livalidza 29:6

Muhaane yivi komeeda ku vihaanwa via kase viukusambwa vie lidiku liu kutanga liu mweli harara ni kihanwa chu vuswage, kandi kihanwa chu kusambwa cha vuli lidiku harara ni kihanwa chu vuswage kandi kihanwa chiwaini. Vihaanwa vie chukulia yivi vive nu mwayu mulahi guyaanzizaa Yahova.

Livalidza 3:47

Ulatuunga vidonye 5 vie ifeza ku vuli mulala, kolondekana nuvuguli vwavugililwa.

Livalidza 7:12

Oyo vahaana kihanwa chiche: Lidiku liu kutanga yaali Nashoni muyaayi wa Aminadabu wi ihiiri ya Yuda.

Livalidza 7:14

Vahaana kandi ibakuli indala yi zahabu yaali nu vulitu vwi ziguramu 110, ni yizuuyi kimuli kifunyaa mwayu

Livalidza 7:73

Yahaana isahani indala yi ifeza yuvulitu kiloguramu 1.5, ibakuli indala yi ifeza yuvulitu ziguramu 800, kolondekana ni ligera lie Lihema Litakatifu. Viombi vizura uvusie vwazuganywa amaguta, kuva kuli vihaanwa viu vuswage.

Matayo 14:11

Umutwi gwigwe gwaleeterwa ku isahani, ni vaaha mukaana, naye na ahilira mama weve.

Matayo 14:8

Naye, kigira yaagerihizwa na mama weve, yateeva, “Nyenya umutwi gwa Yohana Mubatizi ku isahani.”