Livalidza 6:5 - KITABU KITAKATIFU

⁵ Madiku goosi gaava nakikiri mu liesuuha lia vandu va Naziriti, sialavega liisu lilie noho zinderu zizie mba. Gamudukira ave mutakatifu kuduuka lwi ing'inga yeeye yu kuva mutakatifu ku Yahova iduuka. Alaleka liisu lilie kandi zinderu zizie ziyumbi.

Livalidza 6:5 ပူးပေါင်းရင်းမြစ်များ

Ezekieli 44:20

“Avasaalisi sigavaduukira vavege masu gaavo mba, anoho vataleka gatambihi mba, navuzwa gavadukiraa vavege limbihi.

Livalidza 6:4

Madiku goosi gaveeye mulala ku vandu va Naziriti, si alaliaku kindu choosi kutura ku Mazabibu mba, anoho kutura ku zinzori anoho ku magodo ga mazabibu mba.

Vikolwa 18:18

Inyima wa yaga, Paolo yaazizagilira komenya na vandu avasuuviraa mu Korinzo madiku manyingi. Inyima yavasivula, naniina mu liato kuzia Siria harara na Berisila na Akwila. Naveeye mu Kengurea, yavega liisu lilie kigira yaali na aviiki lilagana liokwisuuha ku Nyasaye.

Vakalagi 13:5

Lwu umuyaayi woovo ava niyakivulwa, utakavege iliisu lilie mba kigira kutura lidiku lialakivulwi, alakavikwi halovega kutumikira Nyasaye kuli Munaziriti. Alakatange imiyinzi jo kohonyia vandu va Isiraeli kutura ku vandu va Filisitia.”

Vakalagi 16:17

Samusoni yavolera Delila, “Inzi kutura ninzivulwa, sindaavegwa ku no logembe mba. Ndaagwa Munaziriti ku Nyasaye kutura ninzivulwa. Niiva iliisu liange linyala kovegwa, izingulu ziange zilava nizifeeye ligali, na Inzi ndava vuzwa kuli avandu vandi vosi.”

Vakalagi 16:19

Delila yaahomberiza Samusoni kuduuka lwi zindolo ziamuhilira ku maguru geege. Delila, lwa yalora Samusoni niyakagona, yalanga umundu mulala namuvolera avege Samusoni ivisutuka saba vie liisu lilie. Maku umundu waavega Samusoni yaatanga ilimukubiza ikivi kigira Samusoni yaali ni yakageha izingulu.

1 Samweli 1:11

Hana yalagana na Nyasaye navoora, “O, YAHOVA WANYALA VIOSI, henza ku inzi mutumikiri woovo! Lola vudinyu vwange na unzizulizi! Utanzivilira mba! Numba mwana muyaayi, inzi suuvirizaa ndi ndamuhaana ku ivi, Yahova, mu livamwoyo lilie liosi na sialivega liisu lilie.”