Livalidza 6:3 - KITABU KITAKATIFU

³ gamudukira yiyahule kutura ku iwaini kandi amalwa gu kuhambikiza. Sialanwa malwa malulu galombeywi kutura ku iwaini mba, anoho amalwa gu kuhambikiza mba, anaho mazi ga mazabibu anoho kulia mazabibu gene amavisi anoho amuumu mba.

Livalidza 6:3 ပူးပေါင်းရင်းမြစ်များ

Kyavalevi 10:9

“Utanwa iwaini anoho choosi chukuhambikiza ivi na vayaayi vovo, lwa muva nimwingira mu Lihema mba, gase mulakuza. Lilaga yili lidukanaa lilondwe mihiga ni mihiga, ni visukululwi vivio viosi.

Amosi 2:11

Ndaatovora valala ku avayaayi vinyu vave avaporofeti, kandi valala ku vasoleri vinyu kuva Avanaziri. Yaga sigaveeye agiligali, O, munye, avandu va Isiraeli?”

Amosi 2:12

Navuzwa mwakora Avanaziri kunwa iwaini, kandi muvalage vaporofeti nimuvooraa, mutaporofeta mba.

Livalidza 6:4

Madiku goosi gaveeye mulala ku vandu va Naziriti, si alaliaku kindu choosi kutura ku Mazabibu mba, anoho kutura ku zinzori anoho ku magodo ga mazabibu mba.

Luka 1:15

Alakave munene imbiri wu Mwami. Si alinwa iwaini anoho amalwa mba, naye aliizula Roho Mutakatifu kutura munda mwa mama weve.

Luka 21:34

“Mugerihi! Mutaleka mioyo jinyu jaza jaminikira mu vuhuvaali vwiliilia kandi mu vuhambiku kandi mu lihenda mwoyo lie livamwoyo yili mba; gase Lidiku yilio, liu Mwana wa Adamu aliiza, lilamunyolelera vwangu kuli umutego.

Vafeso 5:18

Mutahambika iwaini mba kigira imanya imudivizi; navuzwa mwizuli Roho du.

1 Vatesalonike 5:22

Mwiyahuli ku vudamanu zing'ano ziosi.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

Vakalagi 13:14

Siaduukanaa kulia kindu choosi kitulaa ku muzabibu; kandi atanwa iwaini, anoho amalwa, anoho ikindu choosi chagaywa mba. Gaduukanaa akole goosi agaamali kumuvolera.”

Vakalagi 13:4

Wilindi na utanwa iwaini anoho amalwa, anoho kulia ichukulia chagaywa mba;