Livalidza 6:24 - KITABU KITAKATIFU

²⁴ Yahova ayaanze amugasizi kandi amulindi.

Livalidza 6:24 ပူးပေါင်းရင်းမြစ်များ

Litanga 28:15

Wizulizi, Inzi ndava harara na ivi kandi ndakukukingi havundu hoosi ha uzia; kandi ndakakwiranye mukivala yiki. Si ndakakoleke mba, kuduuka lwa ndakaduukizi goosi aga mali kukulaga.”

2 Samweli 7:29

Inzi ngoteva nuyanza, ugasize visukululwi viange kunangwa valazizagiliri kusangalira zimbavasi, zizio. Ivi, Yahova Wuvunyali, umali kusuuviriza yaga, kandi uvugasu vuvwo vulava ku visukululwi viange mihiga ni mihiga.”

Zaburi 134:3

Yahova uwalomba ligulu ni lirova, amugasize kutura Ziyoni!

Zaburi 17:8

Uniindi kuli unyala kulinda emoni yooyo mwene. Umbisi kuli engoko ivisaa ivimiinyu viayo isi wi zimbaha

Zaburi 28:9

O, Yahova, ohonyie avandu vovo kandi uvagasize. Ove mwayi wavo kandi uvalindi mihiga ni mihiga.

Zaburi 91:11

Nyasaye alalaga zingelosi veve vakulindi, kandi vakukingi hoosi ha uzia.

Isaya 27:3

Inzi Yahova mbeeye mulindi wagwo kandi ngusamaa amazi zing'inga ziosi, ngulindaa vudiku numbasu gase mundu alagwononyia.

Isaya 42:6

“Inzi Yahova, mali kumulanga kandi mali kumuha uvunyali. Kolola ndi, likalaga liu vulungi likolangwa ku lirova. Ndalomba lilagana liange na ivi kulwa vandu vosi, kandi ndaleta uvulavu ku zihiiri ziosi.

Danyeli 9:17

O, Nyasaye, hulira lisaala ni ligoonya liange. Yumbaka vuhia Litembeli liilio liamala kudivizwa: Liumbake vuhia kunangwa mundu vwosi amanye ndi ivi oveeye Nyasaye.

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

1 Vakorintho 14:16

Lwa uhaanaa lisandiza ku Nyasaye mu Roho yenyine vuzwa, umundu utamanyi makuva ga roho, naye aveeye mu livugana yilio, yakavoola ndi “Amini” ku lisaala liilio lie lizominya? Sianyala kumanya cha ovola mba.

Vafeso 6:24

Zimbavasi zia Nyasaye zive na yavo vosi avayaanzaa Mwami wiitu Yeso Kristo, ni liyaanza litaveeye ne keheri.

Vafilipi 4:23

Zimbavasi ziu Mwami wiitu Yeso Kristo zive harara ni munyi mwosi.

Vafilipi 4:7

Mirembe ja Nyasaye, ijiveeye igulu kuvita limanya liosi liu umundu, jilalinda imioyo jinyu kandi zing'anagani zienyu vulahi mu Kristo Yeso.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,

Ruth 2:4

Kandi henza, Boazi yaza natura Bezelehemu. Yacheliza avagesi navoora; “Yahova ave harara ni munyi!” Navo vativura “Yahova akugasizi.”

1 Samweli 2:9

“Asoolaa livamwoyo lia vandu avasuuvirifu veve; Navuzwa avadamanu vagotelaa mukisundi; kigira mundu siagutaa kigira zinguru zizie mba.