Livalidza 6:23 - KITABU KITAKATIFU

²³ avolere Haruni harara na vayaayi veve vavoole makuva yaga mu ligasiza avandu va Isiraeli:

Livalidza 6:23 ပူးပေါင်းရင်းမြစ်များ

Litanga 24:60

Maku vaagasiza Rabeka nivavoora, “Mukaana wiitu, uzie kwaganira zingavi, wivuli avandu avanyingi! Visukululwi vivio viguuti nukuvugula miandu ja amadara ga vasigu vaavo!”

Litanga 47:10

Maku Yakobo yagasiza mwami kandi ma natura nazia.

Litanga 47:7

Maku Josefu yaleeta baba weve Yakobo ma naamumanyia ku mwami. Yakobo yagasiza mwami,

Litanga 48:20

Kunangwa Yakobo yavagasiza lidiku liene yilio, navoora, “Avandu va Isiraeli valakatumikiri amita ginyu lwa valiva ni vahaana ligasiza. Valakavoole, ‘Nyasaye ayaanze akole ivi kuva kuli Efuraimu na Manase.’ ” Munzira yiyi Yakobo yavika Efuraimu imbiri wa Manase.

1 Avami 8:55

Yasingira nateeva Nyasaye kugasiza livugana nu mwoyo munene, navoora,

1 Kyetsinyinga 23:13

Muyaayi weve munene, yivula Haruni na Musa. Haruni ni visukululwi vivie vaviikwa halovega kutakasa viju vitakatifu viosi, kuhaana vihaanwa vie imuli ku Yahova, kumutumikira kandi kulandiza uvugasu ku vandu mu lieta lilie mihiga ni mihiga.

2 Kyetsinyinga 30:27

Vasaalisi na vandu va Levi vateevera avandu vugasu ku Yahova. Naveeye yengo weve mwigulu, Yahova yahulira lisaala liavo kandi naagavugulira.

Kutwula 39:43

Musa yaahenzeriza imiyinzi josi ma nalora ndi, vakoli kuli Yahova yalaga vakole. Kunangwa Musa yavagasiza.

Livalidza 6:22

Yahova yavolera Musa

Varumi 1:7

Kunangwa ng'oderaa munyi vosi avamuveeye mu Rumi, ava Nyasaye yayanza kandi, navalanga vave vatakatifu veve. Zimbavasi ni mirembe kutura ku Nyasaye Baba wiitu, kandi ku Mwami Yeso Kristo zive ni munyi.

1 Vakorintho 1:3

Nyasaye Baba wiitu kandi Mwami Yeso Kristo ahaane ku munyi zimbavasi.

2 Vakorintho 13:14

Zimbavasi ziu Mwami Yeso Kristo, uvuyanzi vwa Nyasaye, lisanga lia Roho Mutakatifu, vive ni munyi mwosi

Kwidzulitsa 10:8

Yahova yatovola avasaza vi ihiiri ya Levi, valindi Lisandugu lia malago ga Yahova, vamutumikiri kuli avasaalisi kandi kugasiza avandu mu lieta lilie. Yiji ni miyinzi jaavo kali kuduuka kalunu.

Kwidzulitsa 21:5

Avasaalisi vihiiri ya Levi, navo valiesuunda ahimbi kigira nivo ava Yahova Nyasaye winyu yatovola vamutumikiri kandi vagaasizwi vandu mu lieta lilie. Valakalaga kolondekana na makuva gaavo na makuva goosi aguvuhangalizani na aguvukubani.

Kwidzulitsa 33:1

Yivu nivwo uvugasu vwa Musa, mundu wa Nyasaye, yagaasizira avandu va Isiraeli nakikiri kukuza.

Vahebraina 7:1

Melikizedeki uyu yaali Mwami Munene wa Salemi, kandi Musaalisi wa Nyasaye Oveeye munene. Lwa Aburahamu yaali niyirana kutura mu vulwani vwa yaguutira mu avami vane, Melikizedeki yagana naye kandi namugasiza,

Vahebraina 7:7

Navuzwa silinyala kuhayahayizwa ndi uyu ugasizaa aveeye munene kuvita uyu ugasizwa mba.

Joshua 8:33

Avandu va Isiraeli vosi, harara na viimiliri vaavo na vanene vaavo, na vakalagi vaavo, harara na vageni vaali hagati haavo, vasingira ku zimbega ziviri zie Lisandugu lie Lilagana nivahenzi avasaalisi, avandu vihiiri ya Levi avaaligiingaa. Inusu ya vandu zana vasingira nivahenzizi migongo ku Kiguru cha Gerizimu, na inusu yindi nehenzizi migongo jaavo ku Kiguru cha Ebali. Mutumikiri wa Yahova Musa, yaali yavalaga vakole ndio lwa ing'inga iduuka yavo vanyoore uvugasu.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.

2 Yohana 1:3

Zimbavasi, livelererwa, ni mirembe vive ni kunyi kutura ku Nyasaye Baba kandi ku Yeso Kristo, Mwana wa Baba jive ni kunyi mu giligali kandi mu vuyanzi.