Livalidza 6:20 - KITABU KITAKATIFU

²⁰ Maku musaalisi alavihaana ku Yahova kuli vihaanwa viagimwa. Yivi viveeye vihaanwa vitakatifu viu musaalisi, komeeda ku kinama chimbiri ni kinama chinyima chi ligondi. Inyima wa yaga, Munaziriti anyala kunwa iwaini.

Livalidza 6:20 ပူးပေါင်းရင်းမြစ်များ

Kohelethu 9:7

Uzizagiliri kulia chukulia chicho kandi usangale; Unwi iwaini yooyo kandi ove nu vusangali. Goosi gaveeye malahi ku Nyasaye.

Isaya 25:6

Ku kiguru cha Ziyoni, Yahova Wuvunyali alaketegekizi iliilia linene kigira zihiiri ziosi zie lirova, iliilia lie viukulia vinolu ni iwaini indahi ligali.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Kyavalevi 10:15

Kinama chinyima chahaanwa ninyama yindasi kuduuka viletwe harara ni itinya yi vihaanwa vihaaniywi kumuliru ku Yahova kuli vihaanwa vie chukulia. Vilava vivio na avana vovo mihiga ni mihiga kuli Yahova yalaga.”

Kyavalevi 23:11

Musaalisi alakihaana kuli kihanwa kidukiru ku inzi Yahova, kunangwa muduuki kuvugilirwa. Musaalisi alakihaana lisabato niliakafwa.

Kyavalevi 7:30

Alakeleeta namakono geege mwene kuli kihanwa chi chukulia. Alaleeta itinya yi inyama zana harara ni kididimu chayo na akihaane kuli kihanwa chagimwa ku Yahova.

Kyavalevi 7:31

Musaalisi alasambira itinya ku uvwali, navuzwa kididimu kilava cha avasaalisi.

Kyavalevi 7:32

Kinama che kelenge kilungi chinyima kilahanwa kuli kihanwa kidukiru

Kyavalevi 7:34

Kididimu keveeye kihanwa kidukiru kandi kinama kilungi chi inyama keveeye kihanwa kidukiru. Cha Yahova avuguyi kutura ku avandu va Isiraeli nukuhaana ku avasaalisi. Yiki nicho cha avandu va Isiraeli vaduukana vahane ku avasaalisi zinyinga ziosi.

Kyavalevi 9:21

Haruni yaleeta inyama yi indasi nivinama vienyima vio mukono mulungi kuva kihanwa chagimwa chu kuhaana imbiri wa Yahova. Kuli Musa yaali nalagi.

Zekaria 10:7

Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Zekaria 9:15

Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Livalidza 18:18

Inyama kutura kuvio ni yooyo kuli loveere kandi kinama chinyima chu mukono mulungi che kihanwa chu lugano lwa cho.

Livalidza 5:25

musaalisi alavugula kihanwa chu vuswage chi likendeka kutura mu makono gu mukali uyu, na alakitakasa imbiri wa Yahova ma akeleete ku vwali.

Livalidza 6:21

Yaga na malago gu mulala ku vandu va Naziriti, navuzwa niiva alalaga kuhaana cha yisuha kuhaana, gamuduukira aduukizi lilagana liavalomba.

Matayo 26:29

Muvooleraa, sindanwa kandi iwaini ya mazabibu yaga mba, kuduuka lidiku yilio lia ndinwa iwaini yindi imbia harara ni munyi mu Vwami vwa Baba wange.”

Marko 14:25

Ligali muvooleraa, sindanwa kandi iwaini yi mizabibu kuduuka lidiku yilio lwa ndakanwi iwaini imbia mu Vwami vwa Nyasaye.”

Yohana 19:30

Lwa Yeso yamala kuzunzuna isiki yeyo, yavoola “Gafeye!” Maku yinaminya mutwi gwigwe nakuza.