Livalidza 6:15 - KITABU KITAKATIFU

¹⁵ Kandi alahaana kihinda chu vukima vutali na mamera; uvukima vwu vusie uvunyuki vwazuganywa amaguta, visikuti viavakwa maguta, kandi kihanwa chu vuswage ni iwaini.

Livalidza 6:15 ပူးပေါင်းရင်းမြစ်များ

Kutwula 29:2

Tumikira uvusie vulahi vwi ingano, uvutaveeye na mamera, olombe umugadi kandi zikeki izizuganyiywi mu amaguta, izindi zitaveeye mu na maguta na nizindi uzilombe kuli ivisukuti ivivakiywi ku amaguta.

Isaya 62:9

Navuzwa munyi avamiiza uvuswage kandi ni mugesa, mulalia nu kwizominya Yahova; Kandi yavo avalindaa nu kuvungiza amazabibu, valanwa iwaini yago mu mugizi gwi Litembeli liange Litakatifu.”

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Joeli 1:9

Sieveeyeho ni isadaka yu vuswage anoho yi iwaini yukuhaana mu Litembeli mba; avasaalisi vasioma kigira vavura zisadaka ziukuhaana ku Yahova.

Joeli 2:14

Nimutia Yahova Nyasaye winyu alagirung'anyia zing'anagani zizie na amugasizi nivitagwa vinyingi. Kunangwa mulava nu vuswage ni iwaini yukuhaana isadaka kuye.

Kyavalevi 2:4

Niiva kihanwa zana keveeye mugadi gwuminyirwa mu lijiiko, kuduuka gove vugira mamera. Kuduuka gove mugadi mulitu gwu vusie vwazuganywa mu na maguta ga muzeituni anoho ivisikuti viavakwa maguta ga muzeituni.

Kyavalevi 7:12

Niiva mundu alahaana kihanwa yiki kuli kihanwa chi lisandiza ku Nyasaye, hene yaho, alahaana harara nu mutugu guhaanwa, kuli kisiuviriru mugadi gutaveeye mu na mamera uguzuganyiywi mu na maguta ga muzeituni, visikuti vivakiywi maguta ga muzeituni, anoho viabati vitaveeye mu namamera vivakiywi maguta ga muzeituni, anoho zikeki zialombwa ku vusie vunyuki zizuganyiywi mu namaguta ga muzeituni.

Kyavalevi 8:2

“Hila Haruni harara na vayaayi veve ha vwingiliru vwi Lihema liu kuvuganira mu na Yahova, na uvaleetaneri zinguvu ziavo ziu vusaalisi, amaguta gu kwivaka, kemoli kigiriki chi kihanwa chu uvwoni, magondi mamigu gaviri, ni kihinda chuvuchima vutaveeye mu namamera.

Kyavalevi 9:4

Na ulahaana igiriki ni ligondi limigu kuva kihanwa chi mirembe ku Yahova, harara ni kihanwa chu vuswage ni vuzuganyiywi mu na maguta. Kuduuka vakole ndio kigira Yahova alaloleka ku munyi kalunu.”

Livalidza 15:10

harara niwaini zilita 2. Lifunya liu mwayu mulahi gwi vihaanwa yivi liyaanziza Yahova.

Livalidza 6:16

Musaalisi alahaana vindu yivi viosi ku Yahova vive kuli vihaanwa viu vwoni kandi vihaanwa viu kusambwa.

1 Vakorintho 10:31

Kunangwa, ni muva ni mulia, anoho nimunwa anoho choosi cha mukora, mukore vindu yivi viosi ku likuminya Nyasaye.

1 Vakorintho 11:26

Yaga gaveeye kovora ndi, zing'inga ziosi lwa mu liizaa umugadi yigu kandi kunwa kutura mu kekombe yiki, mulandizaa likuza liu Mwami kuduuka lwa aliiza kandi.