Livalidza 5:7 - KITABU KITAKATIFU

⁷ gamudukira yiyame uvwoni vwivwe vwamali kokora kandi gamuduukira atungi mitungu josi; kandi alameedaku kidieli cha katano kuhaana ku oyo wamala kokolera uvudamanu.

Livalidza 5:7 ပူးပေါင်းရင်းမြစ်များ

Zaburi 32:5

Maku, ndiyama uvwoni vwange vwosi ku ivi, na sindavisa mahiolo aange mba. Ndavoora, “Ndiganira uvwoni vwange ku Yahova; na ivi wasamiiha uvwoni vwange vwosi.”

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Kyavalevi 26:40

“Navuzwa aviisukulu vienyu viliganira uvwoni vwavo nu uvwoni vwa vaguuga vaavo vahing'ana inzi kandi nibaala ku Inzi.

Kyavalevi 26:41

Kandi nivangola kuvagirung'ana kandi kuvahila vazie mu kivala cha avasigu vaavo. Mu limalirika, lwi visukululwi vienyu viagehizwa kandi ni vamali kukindukizwa kigira uvwoni vwavo, kandi liebaala.

Kyavalevi 5:15

Niiva mundu woosi alakola uvwoni vugira kumanya ku livula kutunga vindu viveeye vitakatifu ku Yahova, alatungaa kihanwa chi ligondi likore anoho imburi ekore itaveeye nimbara. Vuguli vwayo vulamanyikana kolondekana nu vuguli vwavugilirwa.

Kyavalevi 5:16

Kuduuka ahaane mitungu jayavula kuleeta ku Yahova kandi ameede kidieli cha sirini ku mia moja chi mitungu yijo. Alakihaana ku musaalisi umanya ahaane kuli kisiuviriru chu uvwoni vwu mundu oyo naye alasaamifwa.

Kyavalevi 5:5

Lwu mundu woosi anyoleka kuva muhioli, gamuduukira yiyame vwoni vwivwe vwa yakola,

Kyavalevi 7:7

Malago malala meere gaveeye ku vihaanwa viu uvwoni kandi ku vihaanwa via mahiolo. Inyama yiyi eveeye yu musaalisi uhaanaa kisiuviriru.

Livalidza 5:8

Navuzwa niiva mundu oyo yakuza na siaveeye nu mwiko wa himbi kuye wi mitungu yiji jinyala kuhaanwa kuye, jilahaanwa ku Yahova kulwu musaalisi. Mitungu yiji jilameedwa ku ligondi limigu liu kutumika kokora muluka gwu kutakasa uvwoni vwu mundu oyo.

Luka 19:8

Navuzwa Zakayo yasingira navolera Mwami, “Hulira, Mwami! Ndahaana inusu yi vindu viange ku avadaka, kandi niiva ndaavugura kindu choosi chu mundu kali mulala nuvugadi, ndamwiranyira haali kane.”

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”