Livalidza 5:15 - KITABU KITAKATIFU

¹⁵ maku musaza oyo alavugula mukali weve amuhili ku musaalisi; alahila harara ni kihanwa chu vusie vwi ingano kiloguramu indala, silaviikwaku amaguta anoho kimuli mba, kigira keveeye kihanwa chu vuswage cho kokendeka lwu musaza yenya kuvuula makuva yaga havulavu.

Livalidza 5:15 ပူးပေါင်းရင်းမြစ်များ

1 Avami 17:18

Mukunzakali uyu yavolera Elija, “Mundu wa Nyasaye, kigira ki nokora yaga ku inzi? Waza hano kwizuliza Nyasaye vwoni vwange no koleta likuza liu muyaayi wange?”

Ezekieli 21:23

Avandu va Jerusalemi vasuuvira yaga mba, kigira lilagana lia vamali kolomba. Navuzwa lievuula yili lilavizuliza uvwoni vwavo kandi kuviganihiza ndi valakagumilwi.

Ezekieli 29:16

Avandu va Isiraeli si naverede kumunyi kigira vokonyi mba. Lidivizwa lia vandu va Egebeti nalizulizi avandu va Isiraeli ndi, vaakora vudamanu kwereda ku vandu va va Egebeti. Maku avandu va Isiraeli navamanye ndi Inzi mbeeye Yahova Wuvunyali.”

Hosea 3:2

Kunangwa inzi ndaamugula vidonye 15 vie ifeza kandi zikilo 150 ziu vuswage.

Kyavalevi 1:2

amolome ku vandu va Isiraeli, avavoolere ndi: Lwu mundu woosi aleetaa kihanwa chiche chu mutugu ku Yahova, alaleeta Kihanwa chiche keveeye kilala ku mitugu, kuli ku zing'ombe zizie anoho ku magondi gege anoho ku zimburi zizie.

Kyavalevi 2:1

Lwu mundu woosi aleetaa ku Yahova kihanwa chu vuswage, kuduuka kutanga asie vusie vunyuki ligali. Alaviika ku maguta ga muzeituni ni kimuli

Kyavalevi 5:11

Niiva mundu sialanyaliza koleta makuulu gaviri matugi anoho makuulu gaviri gu muvulimu alaleeta ikilo ndala yuvusie kuli kihanwa chu uvwoni. Sialazuganyia na maguta ga muzeituni anoho kimuli mba, kigira keveeye kihanwa chu uvwoni. Sikeveeye kihanwa chu vuswage mba.

Livalidza 5:16

Musaalisi alaleeta mukali uyu kusingila imbiri wu vwali vwa Yahova.

Vahebraina 10:3

Navuzwa visiuviliru yivi vihaanwa vuli muhiga kwizuliza avandu vwoni vwavo.