Livalidza 4:15 - KITABU KITAKATIFU

¹⁵ Lwa Haruni harara na vayi vinyumba yeeye vamala kukunika Havundu Hatakatifu harara ni viju viosi vitakatifu, kandi lwa vava nivetegeki kuzia kutura a hokososera, avandu vi inyumba ya Kohazi valaza kuginga Lihema. Navuzwa gavadukiraa vavuli kugumira ku viju vitakatifu, gase valakuza. Kuginga lihema havundu hoosi halizia ni miyinzi ja vandu vi inyumba ya Kohazi.

Livalidza 4:15 ပူးပေါင်းရင်းမြစ်များ

2 Samweli 15:24

Musaalisi Zadoku yaali yo, kandi harara na vandu va Levi, nivagingi Lisandugu litakatifu lie Lilagana. Valivika hasi, kandi sivalivugula kutura hasi mba, kuduuka lwa avandu vosi vaali nivakatula mu lidaala linene. Musaalisi Abiazari yaali ho kandi.

2 Samweli 6:13

Inyima wa avandu vaginga Lisandugu vaali nivakagenda virenge sita, Daudi yavasingiriza lwa yahaana ku Yahova kisiuviriru chigiriki kandi kemoli kenetu.

1 Avami 8:3

Lwa aviimiliri vosi vaali nivakavunga harara, avasaalisi vaginga Lisandugu lie Lilagana,

1 Kyetsinyinga 15:15

Vandu va Levi valigingira ku misaala ku mavega gaavo, kuli Yahova yaali ni yalaga Musa.

1 Kyetsinyinga 15:2

Maku Daudi yavoola, “Mundu ku vosi si alagiinga Lisandugu lia Nyasaye, nivatali ihiiri ya Levi yeng'ine, kigira nivo va Yahova yatovola valigingi kandi kutumika imbiri weve mihiga ni mihiga.”

1 Kyetsinyinga 23:26

Kunangwa si haali ni lienya lia vandu va Levi kugingaginga Lihema liu kuvuganira mu na Yahova harara ni viju vitumikaa mu lisigamira kutura yaaha na harara mba.”

Kutwula 19:12

Lombera avandu zinzako ku zimbega ziosi zie kiguru, avandu vavuli kuvita, kandi uvavoolere vatazia mukigulu anoho kwisuunda ahimbi kucho mba. Niiva mundu vosi aviikaa ekelenge chiche ku kiguru aliitwa,

Kutwula 19:21

kandi Yahova yamuvolera, “Yika hasi wiganihizi avandu vatavita ulwaako vaze kombenza mba; niiva valakola ndio, avanyingi kuvo valakuza.

Kutwula 27:7

Ujiviiki mu zimingiri, mu zimbega ziviri ziu vwali lwa vugingwa.

Kyavalevi 16:13

Kuduuka aviiki kimuli ku muliru imbiri wa Yahova nu mwoki gwi kimuli gulavisa kikuniku chi Lisandugu lia malago kunangwa avuli kukelora nukukuza.

Livalidza 1:50

Havogono hene yaho, otovole ihiiri ya vandu va Levi vasingiliri Lihema liange harara ni viju vialio. Valaginga lihema yili harara ni viju vialio, vatumiki mulio, kandi vumbake havundu hokososera kundulu kwa lio.

Livalidza 1:51

Lwa mwisunda havundu handi avandu vi hiiri ya Levi valasambula lihema ma valigingi kuhila havundu hoosi hamuzia hahia, valiumbake kandi. Mundu woosi uzia himbi ni lihema yili aliitwa.

Livalidza 10:21

Maku avandu vi ihiiri ya Kohazi vaatura nivatanga logendo nivagingi viju vitakatifu; lihema liali ni liumbakwa imbiri wa vaali nivakikiri kuduuka hokososa handi.

Livalidza 18:3

Gavadukiraa kutwekiza minyinzi jaavo ku ivi kandi uvutumiki vwavo mu lihema, navuzwa sigavaduukira kudiira ku viju vitakatifu havundu Hatakatifu mba noho kwisunda himbi nu vwali mba. Ni vakora ndio vombi harara nivi mulitwa.

Livalidza 3:38

Musa na Haruni harara na vana veve, vumbaka hokososa haavo kolovega lwi Ivugwi, imbiri wi Lihema. Vasingilira miyinzi jakolelwa Havundu Hatakatifu kulwa vandu va Isiraeli. Mundu woosi waza ahimbi na Havundu Hatakatifu yitwa.

Livalidza 4:14

Valaviika ku vwali viju viosi vitumikaa: Vifuria, zibakuli, vijiko, uvwuma, kandi zibenzeni: maku valakunikaku kesero chi imburi, ma vaviiki ku misaala ju kugingilaku.

Livalidza 4:19

Muvakolere vulahi kunangwa vaduuki komenya na vavuli kukuza lwa visunda ahimbi ni viju vitakatifu ligali. Haruni na vayaayi veve valazia mu Lihema nu kugavura miyinzi ku vuli mundu, kandi nu kuvavoolera agadukanaa vakole.

Livalidza 4:20

Navuzwa avandu vi inyumba ya Kohazi vatazia mu lihema kohenza ku viju vitakatifu kali hakuzu mba, gase valakuza.”

Livalidza 7:9

Navuzwa Musa si yahaana magare anoho zigiriki ku vayaayi va Kohazi mba, kigira iviju vitakatifu via valinda vienyekanaa vagingiri ku mavega gaavo.

Kwidzulitsa 31:9

Kunangwa Musa yang'oda Lilaga lia Nyasaye yili kandi nalihaana ku avasaalisi avuluvamba lwa Levi avalindaa Lisandugu lie Lilagana lia Yahova kandi ku aviimiliri va Isiraeli vosi.

Joshua 4:10

Avasaalisi vasingira hagati ha Jorodani kuduuka lwi vindu viosi viekoleka via Yahova yalaga Joshua avolere avandu va Isiraeli vakole. Yaga nigo aga Musa yaali nalagi Joshua. Avandu vaakora vwangu ukwambuka mugera.

1 Samweli 6:19

Yahova yita avasaza sabwini ku vandu va Bezi-shemeshi, kigira vahenza mu Lisandugu lie Lilagana lia Yahova. Kandi avandu vasioma kigira Yahova yaali naleti likuza linene hagati haavo.