Livalidza 34:19 - KITABU KITAKATIFU

¹⁹ Yaga nigo amita ga vandu vi ihiiri ya Yuda, Kalebu muyaayi wa Jefune,

Livalidza 34:19 ပူးပေါင်းရင်းမြစ်များ

Litanga 29:35

Maku yavereka kandi niyivura mwana wundi muyaayi. Yavoola, “Ing'inga yiyi inzi ndizominya Yahova.” Kunangwa yamugulika Yuda. Maku yalekera konyoora avana.

Litanga 35:22

Lwa Yakobo yaali na menyi mukivala yiki, Rubeni yaali harara na Biliha, mulala ku vakali vatumikiri vababa weve. Lwa Yakobo yahulira makuva yaga, yavihilirwa ligali. Yakobo yaali na vayaayi 12:

Litanga 35:23

Avayaayi va Lea vaali; Rubeni, muyaayi wa Yakobo wu kutanga, Simioni, Levi, Yuda, Isakari, na Zabuloni.

Zaburi 60:7

Kivala cha Gileadi keveeye change kandi, kivala cha Manase; Efuraimu aveeye igudwa yange yikivia Yuda aveeye imbimbu yange yu vwami.

Livalidza 13:30

Kalebu yakiring'anyia vandu vaali ni vililira imbiri wa Musa, yavoola, “Gendi kuzie kuvingilira kalunu na kuvuguli kivala yiki. Kunyi koveeye ni zinguru kandi kulakiguuta.”

Livalidza 13:4

Amita gaavo gaali kuli ndi: Kutura muhiiri ya Rubeni yatovola Shamua muyaayi wa Zakuri

Livalidza 13:6

Kutura muhiiri ya Yuda yatovola Kalebu muyaayi wa Jefune,

Livalidza 14:24

Navuzwa mutumikiri wange Kalebu kigira aveeye ni liiva lugano kandi aveeye musuuvirifu ku inzi, ndamuleeta mu kivala chamali kuzia mu nu kutunyiriza, kandi visukululwi vivie vilavugula kivala yiki.

Livalidza 14:30

Ndaamulaga komenya mucho, navuzwa siaveeyeho kali mulala ulimenya mucho nitali Kalebu muyaayi wa Jefune na Joshua muyaayi wa Nuni.

Livalidza 14:38

Navuzwa Joshua muyaayi wa Nuni na Kalebu muyaayi wa Jefune vaahona ku yavo avaari avandu 12 avaazia kutunyiriza kivala.

Livalidza 14:6

Joshua muyaayi wa Nuni na Kalebu muyaayi wa Jefune, avaari valala ku vatunyirizi, vatandula zinguvu ziavo mu vovereri.

Livalidza 26:65

Yahova yaali navooye ndi vosi valakakuzili mwigendanyama, nitali Kalebu muyaayi wa Jefune harara na Joshua muyaayi wa Nuni.

Livalidza 34:18

Uvuguli mwimiliri mulala kutura mu vuli hiiri avakonyane kugavura kivala.”

Kwidzulitsa 1:36

Kalebu muyaayi wa Jefune yeng'ine vuzwa niyie ulingira mu. Yaali musuuvirifu ku inzi yeng'ine. Kandi ndamuha harara ni visukululwi vivie kivala yicho cha oyo amali kutunyiriza.’

Kwidzulitsa 33:7

Yavoola ku ihiiri ya Yuda: “Yahova huliriza lianira liavo kigira vokonyi; uvahambanyie harara ku avandu vi zihiiri zindi Uvalwaanire O, Yahova, Kandi uvakonye ku avasigu vaavo.”