Livalidza 31:23 - KITABU KITAKATIFU

²³ kandi vindu vindi viosi vivula kusambika vidodoke, ma uvitakase kulwukuvitila mumuliru. Vindi viosi vitakaswe na mazi gukutakasa.

Livalidza 31:23 ပူးပေါင်းရင်းမြစ်များ

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Kutwula 19:14

Maku Musa yasulunguta kutura mu kiguru kuzia ku vandu navavoolera, vetegeke kusigamira Yahova, kunangwa vafuuya zinguvu ziavo.

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Kyavalevi 11:32

Niiva miviri jazio mikuzu jiladiira ku kindu choosi, kilava kidamanu kuduuka hamugorova, nikiva kiju choosi chavazwa ku musaala, inguvu, liseero, anoho ligunia, kali keve kiju chi miyinzi josi, kilava kidamanu. Kuduuka kiinwi mu mazi, navuzwa kilava kidamanu kuduuka hamugorova.

Kyavalevi 15:17

Kindu choosi, cha lombwa kutura kunguvu anoho kesero chu vusaza vwivwe vuziaku, kilava kidamanu kuduuka hamugorova.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Livalidza 19:17

Kutuliza vudamanu, ligoke kutura ku kemoli chakanyu chasambwa kutuliza vwoni lilavugulwa nu kuvikwa mu inyingu na mazi malengeru kumedwa mu.

Livalidza 19:9

Maku umundu uveeye mutakase alavungiza ligoke lie kemoli no kuliviika havundu hatakase ichova wa hokososa, valaviikila vandu va Isiraeli kulitumikira kolombera mazi gu kutuliza uvudamanu. Muluka yigu gokolwaa kigira kutuliza vwoni.

Livalidza 31:22

muvuguli izahabu, ifeza, mugasa, kivia, lidebe ne lisasi

Livalidza 31:24

Gamuduukira mufuyi zinguvu zienyu lidiku lia 7. Maku, mulava avatakase, na mulavugilirwa kwingira hokososa.”

Livalidza 8:7

Okole yaga kuvatakasa: Uvuhili amazi gu kutakasa na uvavoolere vavege miviri jaavo josi, vafuyi zinguvu ziavo ziosi ma vitakase aveene.

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

1 Vakorintho 3:13

Uvulahi nuvuduukiru vwi miyinzi ja vuli mundu, vulaloleka lwi Lidiku lia Kristo liliduuka Lidiku yilio muliru gulakavuuli miyinzi ja vuli mundu; kandi muliru gulakagerizi vulahi vwi miyinzi ja vuli mulala yakola.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

1 Petro 3:21

Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo,

1 Petro 4:12

Avalina avayaanze vange, mutagenya ku ligerizwa lilulu lia musaliranga kuvikwa mu muliru, kuli keveeye ikindu ekegeni chekoleka ku munyi mba.

Likunula 3:18

Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.