Livalidza 30:13 - KITABU KITAKATIFU

¹³ Musaza weve aveeye nuvunyari kumuleka azizagiliri, anaho kumugaya kuzizagilira ni liesuuha anaho lilaga lia yaali nalombi.

Livalidza 30:13 ပူးပေါင်းရင်းမြစ်များ

Ezara 8:21

Maku kumugera gwa Ahava ndahaana lilaga kukunyi vosi kohonga lilia kandi kusaala. Kunyi kwegehiza aveene kandi nikuteeva Nyasaye akwiranyie mu Jerusalemi ni mirembe harara navana viitu ni miandu jiitu josi.

Zaburi 35:13

Navuzwa lwa vaali avalwaye, inzi ndiviika zinguvu zia magunia kumanyia vovereri. Ndiisaaliriza ku lihonga lilia. Ndavasaalira ligali ninzinaminyi mutwi hasi,

Isaya 58:5

Lwa muhongaa lilia, mwisalirizaa aveene. Mwinaminyaa mitwi jinyu hasi kuli lulimu, kandi mwalahasia zinguvu zia magunia nukwuhula ku ligoke muduuki kogona ku. Agene yago nigo aga mulangaa lihonga lilia? Muganaganaa ndayanzizwa nagene yago goosi?

Kyavalevi 16:29

Yili lilava lilago lie mihiga ni mihiga ku munyi. Ku lidiku lie likomi liu mweli gwa Saba, avandu va Isiraeli vosi navageni vosi avamenyaa hagati haavo, kuduuka vahonge lilia kandi vatakola miyinzi josi mba.

Kyavalevi 23:27

“Lidiku lie likomi lu mweli gwa saba liveeye Lidiku liukusamiiha uvwoni vwa avandu. Mulava ni livugana ilitakatifu muhonge lilia, na muleete ku Yahova kihanwa chukusambwa.

Kyavalevi 23:32

Kutura hamugorova gwi lidiku lia tisa kuduuka hamugorova gwi lidiku lielikomi liumweli zana, mulaliinda lidiku yili kuli lidiku lidukiru liokososa. Ing'inga yiyi, umundu atalia ikindu choosi mba.”

Livalidza 29:7

Ku lidiku lie likomi mu mweli gwa saba, muve ni livugana liu kusigamira Yahova, mutalia chukulia choosi mba; kandi mutakola miyinzi mba.

Livalidza 30:12

Navuzwa niiva musaza weve alamugaya kutwekiza liesuuha lilie, sigamuduukira akole mba. Yahova alamusamiiha kigira musaza weve yamugaya kutwekiza liesuuha lilie.

Livalidza 30:14

Navuzwa niiva musaza weve alahulira liesuuha yili, ku lidiku yili mave nakikiri kumugaya, kuduuka akole vuli kindu choosi chamali kwisuuha anaho kulaga.

1 Vakorintho 11:3

Navuzwa nyenya mumanye ndi Kristo aveeye mwimiliri wa vuli musaza, nu musaza aveeye mwimiliri wu mukali weve, kandi, Nyasaye naye aveeye umunene wa Kristo.

1 Vakorintho 11:9

Anoho umusaza siyalombwa kigira umukali, navuzwa umukali niyie walombwa kigira musaza.

1 Vakorintho 7:5

Mutasuulani aveene naveene ku likolerana agamuduukira mba, nigataveeye ku lihulirizana lia mulagani kutanga ku ing'inga ngekeeke, muduuki kuva nu vwiyangu vulahi vwu kusaala; ma inyima muve harara kandi, kunangwa Setani avuli kuva nu vwiyangu ku mugerizaa kigira livula kwilinda kwinyu.