Livalidza 29:39 - KITABU KITAKATIFU

³⁹ Yaga nigo malago galondekanaa ni vihaanwa viu kusambwa, vihaanwa viu vuswage, vihaanwa vie iwaini kandi vihaanwa vie mirembe viduukana vihaanwe ku Yahova ku ing'inga yatovolwa ya masavo ginyu. Vihaanwa yivi viveeye komeeda ku vihaanwa via muhaana kigira kutwekiza lilagana lienyu liu kwisuuha.

Livalidza 29:39 ပူးပေါင်းရင်းမြစ်များ

1 Kyetsinyinga 23:31

kandi vuli lwosi lwi vihaanwa ku Yahova visambwa ku Lisabato, Lilia liu Mweli Muhia, kandi na masavo gandi. Malago galombwa mu likora miyinzi yigi nigavooraa vandu va Levi vanga avatovolwa kokora miyinzi yigi vuli ing'inga. Vandu va Levi vatovolwa kokora miyinzi ju kusigamira Yahova kulwi zing'inga ziosi.

2 Kyetsinyinga 31:14

Kore muyaayi wa Imuna mundu wa Levi waali musikari munene ha kirivwa chi Ivugwi chi Litembeli, yasingilira vihaanwa vialetangwa ku Yahova, kandi niye wasingira ligavulwa lia vio.

2 Kyetsinyinga 31:3

Lihaana liu mwami liatula ku vutugi vwivwe, na viahaanwa kuva kuli vihaanwa viu kusambwa via mugambazuri na ha mugolova, kandi ku masabato, mieli mihia, kandi ku masavo gatovolwa kuli gang'odwa mu lilaga lia Yahova.

Ezara 3:4

Vasangalira Lisavo lia madiri kolondekana namalago. Vuli lidiku vahaana visiuviliru vienyeka ku lidiku yilio.

Ezara 3:5

Inyima wa yago vahaana zisadaka zia vuli ing'inga ziukusambwa, nivisiuviliru viukuhaana viu mweli muhia numumavugano gandi goosi via Yahova asigamirwa, kandi na yivio viosi ivialetwa kuli vihaanwa viukwihaana ku Yahova.

Nehemia 10:33

Kulahaana ivindu yivi kigira lisigamira lie Litembeli: Mugadi mutakatifu, kihanwa chu vuswage cha vuli lidiku, izinyama zienyekaa zisambwe kuli visiuviliru vuli lidiku, vihaanwa vitakatifu kigira Lisabato masavo gu mweli muhia, kandi namasavo gandi, vihaanwa vitakatifu vindi, vihaanwa viukukunika uvwoni vwa Isiraeli, kandi nikindu kindi choosi ichenyekaa kigira uvutumiki vwi Litembeli.

Isaya 1:14

Mbihirirwa ni lilia lienyu liu Mweli Muhia kandi amadiku matakatifu gi lisosa; Gaveeye musigo muliduhu ku inzi kali nduhi ligali kugaginga.

Kyavalevi 23:2

avolere aandu va Isiraeli malago yaga kigira masavo gange matovole, agadukanaa alandizi kuli mavugano amatakatifu.

Kyavalevi 23:28

Mutakola muyinzi kali mulala ku lidiku yilio mba, kigira liveeye Lidiku liu kusamiifwa uvwoni

Kyavalevi 23:38

Amasavo yaga gaveeye gokomeeda ku masabato ga kazozo, kandi vihaanwa yivi viveeye viokomedaa ku vihaanwa via kazozo, vihaanwa vienyu viamuleetaa mulitwekiza liesuuha, kandi vihaanwa vienyu via muhaanaa nu mwoyo gwu vuyanzi ku Inzi Yahova.)

Kyavalevi 7:11

Yaga nigo malago galondekanaa ni vihaanwa vie mirembe viu mundu anyala kuhaana ku Yahova.

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Livalidza 28:2

kuvolera vandu va Isiraeli koletera Nyasaye vihaanwa vie viukulia viu kumuyanziza ku ing'inga idukanaa kandi yatovolwa.

Livalidza 29:38

Kandi lwa muhaana imburi ekole indala muhaane harara ni kihanwa chu vwoni, kihanwa chu kusambwa chakazozo, kihanwa chu vuswage kandi kihanwa chiwaini.

Livalidza 29:40

Kunangwa Musa yavolera vandu va Isiraeli vindu viosi via Yahova ya mulaga.

Livalidza 6:21

Yaga na malago gu mulala ku vandu va Naziriti, navuzwa niiva alalaga kuhaana cha yisuha kuhaana, gamuduukira aduukizi lilagana liavalomba.

1 Vakorintho 10:31

Kunangwa, ni muva ni mulia, anoho nimunwa anoho choosi cha mukora, mukore vindu yivi viosi ku likuminya Nyasaye.

Kwidzulitsa 12:6

Mulahila yo visiuviliru vienyu viu kusambwa nivisiuviliru vienyu vindi, nezizaka zienyu nevihaanwa vienyu viduukiru, nevihaanwa viamwalagana na Yahova, vihaanwa viuvwihaani kandi vihaanwa viukutanga ivivulwa mu viayo vienyu vie zing'ombe kandi viamangodi.