Livalidza 29:35 - KITABU KITAKATIFU

³⁵ Ku lidiku lia munane muve ni livugana liu kusigamira Yahova kandi mutakola miyinzi mba.

Livalidza 29:35 ပူးပေါင်းရင်းမြစ်များ

Nehemia 8:18

Kutura ku lidiku liukutanga lie Lilia lia Madiri, kuduuka ku liukumaliriza, Ezira yasomera avandu kedonye chi Lilaga vuli lidiku. Vaali nilisavo yilio ku madiku saba, na ku lidiku lia munane, haali ho ni livugana muruka gu kumaliza livugana kolondekana na malago gi Lilaga.

Kyavalevi 23:36

Vuli lidiku, ku madiku saba mulaleeta kihanwa chukusambwa ku Inzi Yahova. Kulidiku lia munane muve nilivugana ilitakatifu, liveeye lidiku liukusigamira Inzi Yahova kandi simulakola muyinzi gwosi mba.”

Livalidza 29:1

Ku lidiku liu kutanga lwu mweli gwa saba mulavugana nukusigamira Yahova, mutakola miyinzi josi mba. Lidiku yilio mulakuba visiriva.

Livalidza 29:12

Ku lidiku lia komi na tano liu mweli gwa saba, muve ni livugana liu kusigamira Yahova. Muve ni lisangala lie lisavo yili mu lihaana luyali ku Yahova ku madiku saba, kandi mutakola miyinzi mba.

Livalidza 29:34

Kandi lwa muhaana imburi ekole, muhaane harara ni kihanwa chu vwoni, kihanwa chu kusambwa chakazozo, kihanwa chu vuswage ni kihanwa chiwaini.

Livalidza 29:36

Muhaane ku Yahova kihanwa chi viukulia ekeveeye mwayu gwu kuyaanziza kuye. Kandi vahane igiriki ndala, limigu lilala kandi vimeme via magondi saba viu muhiga mulala, vitaveeye nimbala.