Livalidza 28:15 - KITABU KITAKATIFU

¹⁵ Komeeda ku kihanwa cha vuli lidiku, chu kusambwa harara ni kihanwa chiwaini, vahane kememe chimbuli kuli kihanwa chu vwoni.

Livalidza 28:15 ပူးပေါင်းရင်းမြစ်များ

Litanga 37:31

Maku vita imburi ma nivavaka kunguvu ya Josefu amasahi.

Kyavalevi 16:15

Niyakamara kokora ndio, alasinzira avandu imburi ekole yikihaanwa chu uvwoni kandi alaleeta masahi gayo havundu hatakatifu ligali nukuguuha ku kikuniku kandi imbiri wi Lisandugu lia malago kuli yakola na masahi gi giriki.

Kyavalevi 16:16

Munzira yiyi alakola muruka gwu kutakasa havundu hatakatifu ligali kutura ku vudamanu vwa vandu va Isiraeli kandi kutura muvwoni vwavo vwosi. Kuduuka akole ndio kandi ku Lihema liukuvuganira mu kigira liveeye hagati haavo na vaveeye vadamanu kolondekana nu muruka.

Kyavalevi 4:23

na ahene yaho lwa avoolerwa uvwoni vwivwe vwa yakola yivwo, alaleeta imburi ekole itaveeye nimbala kuva kuli kihanwa chiche.

Livalidza 15:24

kandi niiva yaga galakolwa vugira vandu kumanya, maku valahaana igiriki esoleri eve kuli kihanwa chu kusambwa, keveeye ni lifwunya liu mwayu mulahi guyaanzizaa Yahova. Mulahaana harara ni kihanwa chu vuswage kandi kihanwa chiwaini. Komeedaku, mulahaana kandi imburi ekole eve kuli kihanwa chu vwoni.

Livalidza 28:14

Kihanwa chiwaini kidukanaa ni zilita ziviri ziewaini harara na vuli igiriki harara na vuli limigu vahane ilita ndala ninusu kandi vahane ilita indala harara na vuli kememe kimigu. Yaga ni malago gi kihanwa chu kusambwa ku lidiku liukutanga vuli mweli ku muhiga gwosi.

Livalidza 28:22

kandi muhaane imburi ekole indala kuli kihanwa chu vwoni. Munzira yiyi, vakole mwima gwu kwitakasa kigira vandu.

Livalidza 28:3

Yivi ni vihaanwa vie viukulia vienyeka viletelwe Yahova: Ku vihaanwa viu kusambwa vuli lidiku: vimeme vimigu viviri viu muhiga mulala vitaveeye ni mbala.

Livalidza 28:30

Kandi muhaane imburi ekole indala kuli kihanwa chu vwoni. Munzira yiyi mukore mwima gwu kwitakasa kigira vandu.

Livalidza 29:16

Kandi muhaane imburi ekole indala kuli kihanwa chu vwoni. Muhaane yivi komeeda ku vihaanwa viu kusambwa harara nivihaanwa viu vuswage kandi vihaanwa vie iwaini via vuli lidiku.

Livalidza 29:5

kandi imburi indala ekole kuli kihanwa chu vwoni. Munzira yiyi, vakole mwima gwu kwitakasa kigira vandu.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.