Livalidza 28:11 - KITABU KITAKATIFU

¹¹ Valeete ku Yahova kihanwa chu kusambwa vuli lidiku liu kutanga ku vuli mweli: Vimoli vigiriki viviri, limigu lilala, vimeme vimigu saba vio muhiga mulala, viosi vitaveeye nimbara

Livalidza 28:11 ပူးပေါင်းရင်းမြစ်များ

2 Avami 4:23

Musaza weve yateeva “Kigira ki uzie kalunu? Siliveeye lisabato kinga lisavo liu Mweli Muhia.” Yativura, “Utahenda mwoyo mba.”

1 Kyetsinyinga 23:31

kandi vuli lwosi lwi vihaanwa ku Yahova visambwa ku Lisabato, Lilia liu Mweli Muhia, kandi na masavo gandi. Malago galombwa mu likora miyinzi yigi nigavooraa vandu va Levi vanga avatovolwa kokora miyinzi yigi vuli ing'inga. Vandu va Levi vatovolwa kokora miyinzi ju kusigamira Yahova kulwi zing'inga ziosi.

2 Kyetsinyinga 2:3

Solomoni yatuma makuva ku Mwami Huramu wa Tiro: “Yaanza kola likiranyia nainzi kuli wakola na baba wange mwami Daudi, lwa wamugulizira misaala ji Midaragwa ju kwumbakira inyumba yeeye yu vwami.

2 Kyetsinyinga 2:4

Inzi nyumbakaa Litembeli ukuhaana luyali ku Yahova Nyasaye wange. Lilava havundu Hatakatifu aha avandu vange harara ni inzi kulamusigamira ho ni lisaamba kimuli chu kufunya mwayu mulahi, aha nakuhaanirange vihaanwa viu mugadi Mutakatifu gwu kumanyira ku kazozo, kandi aha nakuhaanirange vihaanwa viu kusambwa vuli mugamba na mugolova; kandi ku Masabato, masavo gi Mieli Mihia kandi na madiku gandi Matakatifu gukuhaana luyali ku Yahova Nyasaye wiitu. Yahova umali kulaga Isiraeli kokora ndio mihiga ni mihiga.

2 Kyetsinyinga 8:13

Yahaana vihaanwa viu kusamba kolondekana na malago gi lilaga lia Musa kigira vuli lidiku litakatifu lie lisabato, mweli muhia gwa masavo gi migadi jitali na mamera, amasavo gi ligesa, kandi amasavo gi vidioli.

Ezara 3:5

Inyima wa yago vahaana zisadaka zia vuli ing'inga ziukusambwa, nivisiuviliru viukuhaana viu mweli muhia numumavugano gandi goosi via Yahova asigamirwa, kandi na yivio viosi ivialetwa kuli vihaanwa viukwihaana ku Yahova.

Nehemia 10:33

Kulahaana ivindu yivi kigira lisigamira lie Litembeli: Mugadi mutakatifu, kihanwa chu vuswage cha vuli lidiku, izinyama zienyekaa zisambwe kuli visiuviliru vuli lidiku, vihaanwa vitakatifu kigira Lisabato masavo gu mweli muhia, kandi namasavo gandi, vihaanwa vitakatifu vindi, vihaanwa viukukunika uvwoni vwa Isiraeli, kandi nikindu kindi choosi ichenyekaa kigira uvutumiki vwi Litembeli.

Zaburi 40:6

Ivi siwenya ivisiuviliru anoho ivihaanwa mba; siotevanga oheevwe zinyama ziukusambwa zing'ima ku vwali, anoho ivisiuviliru viukusamiha uvwoni. Mu vogono yivwo, wamba amatu kukuhulira.

Zaburi 40:8

O, Nyasaye wange, Inzi nyanza kokora uvulariri vuvwo. Mbikaa malago googo mu mwoyo gwange.

Zaburi 81:3

Mukubi kisiriva kigira lilia, lwu mweli gulavaa kandi lwu mweli guchelaa.

Zaburi 81:4

Yili ni lilago mu kivala cha Isiraeli, lilaga kutura ku Nyasaye wa Yakobo.

Isaya 66:23

Ku vuli lilia liu mweli muhia, kandi ku vuli lisabato, avandu vosi vi ihiiri valaza kusigamira mu lidaala linene lia Jerusalemi,” Yahova avoora.

Ezekieli 46:1

Mwami Munene Yahova avoora, “Kirivwa chi Ivugwi chu mugizi gwu mugati kuduuka kihanwe ing'inga ya madiku 6 gi liyinzira, navuzwa kuduuka kandi chigulwi ku lidiku lie lisabato kandi kulisavo liu mweli muhia.

Ezekieli 46:6

Ku lidiku lie Lisavo liu Mweli Muhia gamuduukira ahaane kemoli kigiriki kesoleli, vimeme via magondi 6 kandi ligondi limigu, viosi vugira imbara.

Ezekieli 46:7

Ku vuli igiriki kandi ku vuli ligondi limigu isadaka yu vuswage ilava zikiloguramu 7 ninusu, kandi ku vuli kememe chiligondi isadaka yuvuswage ilava inyingi kuli yinyaliza. Ku vuli isadaka yu vuswage, maguta gamuzeituni zilita 3 galahaanwa.

Hosea 2:11

Ndaheriza lisangala lilie liosi, masavo gu mweli muhia kandi masabato geege goosi, kandi mavugano geege gidiini.

Kyavalevi 1:13

Mwene kihanwa alogiza vindu viu munda viosi ni virenge vie inyima. Musaalisi alavihaana viosi nukuvisamba ku uvwali. Keveeye kihanwa chukusambwa, kihanwa chu muliru, ichukufunyira Yahova mwayu mulahi gwu kuyaanziza.

Kyavalevi 1:3

Niiva ahaanaa ndala ku zing'ombe zizie kuva kuli kihanwa chu kusambwa, kuduuka ahaane igiriki itaveeye nimbara. Alageleeta ha vwingiliru wi Lihema liu kuvuganira mu YAHOVA, kunangwa Yahova aduuki kumuvugilira.

Kyavalevi 1:9

Kuduuka mwene kihanwa chu kusambwa yogize viumunda vyayo ni virenge vie inyima viayo na mazi. Musaalisi uva niyimiliyi muruka yigwo, alasaamba kisiuviriru choosi ku uvwali. Lifunya mwayu gwi kihanwa chu kusambwa choosi, keveeye chu kuyaanziza Yahova.

Amosi 3:5

Linyonyi linyala kugwa mu mutego nigitategeywi? Mutego gunyala kutiguka vugira kutigulwa?

Amosi 8:5

Mwevoleraa aveene, “Lihonga liu mweli muhia lilafa ng'inga ki, ku kuduuki kuguliza vuswage vwitu? Kandi lidiku lie Lisabato lilahera ng'inga ki kunangwa kuduuki kuguliza vuswage vwitu kandi? Hene yaho kunyala kuviika vuswage ku vuguli vwi igulu ligali nu kutumikira vibimu viu vugadi nukuviika ziratiri ziu vugadi ukugaada avaguli.

Livalidza 10:10

Kandi ku lidiku liu vusangali vwinyu, ing'inga yi lilia mu litanga lie mieli mihia, mulakuba visiliva lwa muhaana vihaanwa viu kusambwa kandi vihaanwa vie mirembe. Yivi vilava kuli lizuliza imbiri wa Nyasaye. Inzi mbeeye Yahova Nyasaye winyu.”

Livalidza 28:19

Muhaane kihanwa chu kusambwa kuli kihanwa che chukulia ku Yahova: Vimoli vigiriki viviri, limigu lilala, ne vimeme vimigu saba vio muhiga mulala, viosi vitaveeye ni mbala.

Vagalatia 4:10

Munyi muhenzerizaa nu mukuminya amadiku, mieli, izing'inga mi mihiga.

Vakolosai 2:16

Kunangwa mutaleka mundu woosi amukalagiri kigira viukulia anoho viukunwa anoho ku lidiku lie lisavo, anoho kulilonda mweli muhia, anoho lisabato mba.

Vakolosai 2:6

Kunangwa kuli mwa vugula Kristo Yeso kuva Mwami, muzizagiliri komenya ndio muye,

1 Samweli 20:5

Kunangwa Daudi yativura, “Mugamba ni Lisavo liu Mweli Muhia, na gandukira kulia harara nu mwami. Navuzwa niiva voveeye vulahi ku ivi, ndazia kwivisa mu mulimi kuduuka hamugorova gwi lidiku liakavaga.

1 Samweli 9:12

Avakaana yavo vaativura, “Yee, aveeye mu. Aveeye vuzwa imbiri winyu. Nimugenda vwangu, mulamunyoola, umali kuuza vuzwa lwene yilu mu lidaala lietu kigira vandu vazizaa kuhaana kisiuviriru ku vwali lero ndi.