Livalidza 27:3 - KITABU KITAKATIFU

³ “Baba wiitu yakuzira mwigendanyama, na siyalekaku avana vayaayi mba. Siyaali mulala ku valondi va Kora avahing'anaa na Yahova mba. Yakuza kigira uvwoni vwivwe.

Livalidza 27:3 ပူးပေါင်းရင်းမြစ်များ

Ezekieli 18:4

Henza, avandu vosi vaveeye avange, avababa kandi avana vosi vaveeye avange. Mundu okolaa uvwoni niyie ulikuza.

Livalidza 14:35

Inzi mali kwisuuha ndi, ndakora yaga ku munyi avandu vaveeye avachamu, avamali kuvunga harara kovora makuva madamanu ku inzi. Munyi vosi mulakuzira hano mwigendanyama. Inzi Yahova mali kovora.’ ”

Livalidza 16:19

Maku Kora yavuganyia vandu vosi harara, kandi vasingira imbiri wa Musa na Haruni ha vwingiliru vwi Lihema. Nonoho uvukumi vwa Yahova vwaloleka ku vandu vosi.

Livalidza 16:49

Avandu vaakuza vaali 14,700, ni kutameedi ku vandu vaakuza kigira liebaala lia Kora.

Livalidza 26:33

Zelofehadi muyaayi wa Heferi yaali ku na vayaayi mba, navuzwa avakaana venyine. Amita gaavo gaali: Mahila, Nao, Hogula, Milika na Tiriza.

Livalidza 27:2

Avakaana yava vazia nivasingila imbiri wa Musa, musaalisi Elieza, aviimiliri harara na vandu vosi mu vwingiliru vwi Lihema lia Yahova nivavoora,

Livalidza 27:4

Lieta lia baba wiitu lilagota kutura mu ihiiri ya vandu va Isiraeli, kigira si yaaliku na vana vayaayi mba? Mukohe miandu jiitu jiveeye mu vwiko vwa baba wiitu.”

Yohana 8:21

Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Varumi 5:12

Kunangwa, uvwoni vwingira mu lirova kuvitira mu mundu mulala, na uvwoni vwivwe vwaleeta likuza. Likuza lialanda mu vandu vosi, kigira vosi vaakora vwoni.

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.