Livalidza 27:20 - KITABU KITAKATIFU

²⁰ Uhaane kuye kidieli chu vunyali vuvwo, kunangwa vandu vosi va Isiraeli vamuhuliri.

Livalidza 27:20 ပူးပေါင်းရင်းမြစ်များ

2 Avami 2:15

Vaporofeti amusini avaari ha Jeriko valora Elisha, vavoola, “Roho wa Elija aveeye ku Elisha.” Vazia kumwaganira, ni vinama haasi imbiri weve,

1 Kyetsinyinga 29:23

Hene yaho Solomoni yavugula ovogono vwa baba weve Daudi ni yikala ku endeve yu vwami ya Yahova yaali nasingilizi. Solomoni yaali mwami wagasizwa ligali, na ihiiri yoosi ya Isiraeli vamuhulira.

1 Kyetsinyinga 29:25

Yahova yanenehiza Solomoni ligali imbiri wi ihiiri yoosi ya Isiraeli, nu kumuha uvukumi vwu vwami, uvwavula kuva ho ku mwami wundi woosi mu Isiraeli.

Livalidza 11:17

Inzi ndaza kumoloma nivi hene yaho, kandi ndavugura ku Roho oveeye ku ivi nu kuvaha. Maku valakokonya kulinda vandu yava, kunangwa uvuli kuginga vuliduhu yivu weng'ine.

Livalidza 27:19

Umulete asingili imbiri wu musaalisi Elieza harara na vandu vosi, hene yaho umulandizi kuva kuli mwimiliri mu vogono vuvwo.

Livalidza 27:21

Alasingira imbiri wu musaalisi Elieza, uwaza atumikiri Urimu na Zurimu kuhaana likalaga liange. Kulilaga lilie, oyo harara na vandu vosi va Isiraeli valatura kuzia kandi kwirana.”

1 Samweli 10:6

Nonoho Roho wa Yahova alaza ku ivi ni zinguru, na ivi ulaporofeta harara navo, kandi ulagirung'anywa kugwa umundu wu lugano lundi.

1 Samweli 10:9

Lwa Saolo yagirung'ana atuli ku Samweli, Nyasaye yaaha Saolo liiva lihia. Kandi vindu viosi via Samweli yamuvolera viekoleka lidiku yilio.