Livalidza 26:11 - KITABU KITAKATIFU

¹¹ Navuzwa avayaayi va Kora sivitwa mba.

Livalidza 26:11 ပူးပေါင်းရင်းမြစ်များ

1 Kyetsinyinga 6:7

Merayozi yivula Amaria, na Amaria ni yivula Ahitubu;

1 Kyetsinyinga 9:19

Shalumu, muyaayi wa Kore na umwisukulu wa Ebiasafu, harara na avandu veve vi ihiiri ya Kora, yaali nu vunyali vwu kulinda vwingiliru vwi Lihema lia Yahova, kuli avaguuga vaavo vaali avasingiliri vo hokososa ha Yahova.

Zaburi 42:1

Kuli kisusu yegombaa mugera gwa mazi makindu, O, Nyasaye, ni ndio ngwegomba. Nindio nzegomba ivi, O, Nyasaye wange!

Zaburi 44:1

O, Nyasaye, kunyi kwa huliriza ligali na amatu giitu kutura ku avaguuga viitu, amakuva gi vindu viokogenyia viawakola mu ing'inga yaavo ya kale.

Zaburi 45:1

Mwoyo gwange gwizuuyi makuva malahi, ulwa ndohizaa kandi kuhandika lwimbu yilu ku mwami. Nyimbiraa umwami lwimbu yilu, lulimi lwange lwetegeki kwimba lwimbu lulahi, kuli ikalamu yu mung'odi mulahi.

Zaburi 46:1

Nyasaye aveeye likingwa lietu, kandi zinguru zietu; aveeye mwetegeku kazozo kokonya mu zing'inga ziu vudinyu.

Zaburi 47:1

Munyi avandu vosi, mukubi makono kigira uvusangari! Mwizominye Nyasaye ku liemba zinyimbu.

Zaburi 48:1

Yahova aveeye munene, kandi wukwizominywa ligali, mu lidaala linene lia Nyasaye kandi ku kiguru chiche kitakatifu.

Zaburi 49:1

Huliri likuva yili, avandu vosi! Muhulirizi, avandu vosi havundu hoosi.

Zaburi 50:1

Yahova Nyasaye, Wuvunyali, amolomaa. Alangiliraa ku lirova liosi kutura Ivugwi kuduuka Imadioli.

Kutwula 6:24

Kora yaali na vayaayi vavaga: Asiri, Elikana, na Abiasafu; vaali ivisukulurwi viavukana kutura ku ihiiri ya Kora.

Livalidza 16:27

Kunangwa visunda ihale kutura ku mahema ga Kora, Dazani, na Abiramu. Dazani na Abiramu vaali nivatuli ichova nivasingiyi ha vwingiliru ha mahema gaavo, harara na vakali na vana vaavo.

Livalidza 16:32

nilivamila na vizinyumba ziavo harara na valondi vosi va Kora ni miandu jaavo josi.

Livalidza 16:33

Kunangwa vazia mu malova mu kivala cha vakuzu nivaveeye mwoyo. Vamilwa harara ni miandu jaavo. Lirova liavakunika kandi nivagota.

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 26:12

Avandu vihiiri ya Simioni Nemueli, Jamini, Jakini,

Kwidzulitsa 11:6

Mwizulizaa aga yakola ku Dazani na Abiramu, avayaayi va Eliabu, wi ihiiri ya Rubeni. Imbiri wi zimoni zia avandu vosi, lirova liakunuluka kandi nilivadiviza vosi, harara na avizinyumba ziavo, namahema gaavo, navatumikiri vaavo vosi, kandi nimitugu jaavo.

Kwidzulitsa 24:16

“Aviivuli vatiitwa kigira uvwoni vokolwa na avana vaavo mba, kandi avana vatiitwa kigira uvwoni vokolwa na aviivuli vaavo mba. Mundu yiitwi vuzwa kigira vwoni vwa oyo umwene amali kokora.