Livalidza 25:2 - KITABU KITAKATIFU

² Avakali yava vaavagenihiza mu lilia lie Lisavo lie visiuviliru via vanyasaye va Moabu. Avandu va Isiraeli valia viukulia kandi vasigamira vanyasaye vaavo.

Livalidza 25:2 ပူးပေါင်းရင်းမြစ်များ

1 Avami 19:18

Nitali ndaleka vandu zielefu saba mu Isiraeli, yavo vosi vaveeye vasuuvirifu ku inzi kandi sivayinamira Baali anoho kuvuusa kifananyi chiichemba.”

Zaburi 106:28

Avandu va Nyasaye viiyunga mu lisigamira Baali ha Peori; kandi nivalia visiuviliru viahaanwa ku vanyasaye vaakuza.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 22:20

“Oyo uhaanaa visiuviliru ku munyasaye muvogono vwa inzi Nyasaye Wuvunyali kuduuka akalagirwi lidivizwa.

Kutwula 23:24

Mutinamira avanyasaye vaavo anoho kuvasigamira mba, kandi mutavuguli likora ni miima jidiini yaavo mba. Mwononyie ligali nukuvunanyia minaara jaavo ja magina.

Kutwula 32:6

Mugambazuri lidiku lialonda ku valeta zinyama ziukusamba kuli visiuviliru kandi zindi kuli zisadaka zie mirembe. Avandu viikara hasi kulia, nivanwa, nivavina; vagirung'ana ni vakora voheyi.

Jeremia 40:11

Lwa Avayuda vosi mu Moabu, Amoni, Edomu nivivala vindi viosi viahulira ndi mwami wa Babiloni yaleka vandu va Isiraeli valala kutigala mu Ivuyuda kandi vamali kotovola Gedalia mwana wa Ahikamu, mwana wa Shafani kuva umwimiliri wavo,

Hosea 9:10

Yahova avoora, “Lwa ndaanyoora vandu va Isiraeli mulitanga, vaali kuli Mazabibu gamaa mwigendanyama. Lwa ndaalora avaguuga vinyu, galoleka kuli ndoli likuyu liukutanga liengu ku ing'inga yalio. Navuzwa lwa vaza ku kiguru cha Peori, vataanga kusigamira Baali, kandi nonoho vaaloreka kuva avukuvihiririza kuli avanyasaye vavayaanza.

Mika 6:5

O, avandu vange, mwizurizi agu mwami Balaki wi kivala cha Moabu yaganagana kumukolera kandi kuli Balaamu muyaayi wa Beori yamutivulira. Mwizurizi ivindu viakoreka kulogendo kutura mu hokososa ha Akakia kuzia mu Giligali. Mwizurizi ivindu yivi na muduuki kumanya agandaamukolera kunangwa inzi nduuki kumuhonyia.”

1 Vakorintho 10:20

Awa! Agamboolaa gaveeye ndi: kuhaana kisiuviriru ku vwali vwa vandu vatamanyi Nyasaye, kihanwa ku mademoni, na sigaveeye ku Nyasaye mba. Sinyenyaa munyi muve ni lisanga harara na mademoni mba.

Kwidzulitsa 32:38

Mwavalihiza zitinya zie visiuviliru vienyu, kandi nimuvaha iwaini vanwi? Leki vaze, vamukonye kalunu! Leki vanyaguli zimbiru kumukonya.

Joshua 22:17

Mwizurizi uvwoni vwitu ha Peori, lwa Yahova yaaha avandu veve mwene amageri nuvulwaye vwukutihiza nu kwita avandu vanyingi? Kukilwaala kigira uvwoni yivwo sivwaduuka?

Joshua 23:16

Niiva simulalinda lilagana lia Yahova Nyasaye winyu yalaga munyi mulindi, kandi niiva mu latumikira nukusigamira avanyasaye vandi, maku alamuha amageri mu vutima vwivwe, alamuha amageri, na alamudiviza ligali. Muturi mu kivala kilahi yiki icha amali kuhaana ku munyi.”

Joshua 23:7

kandi mutahambani na vandu vizihiiri yava avatigara hagati hinyu, anoho kutala amita ga vanyasaye vaavo, anoho kutumikira amita yago mu liesuuha mba, mutasigamiri avanyasaye yavo mba. Mutinama imbiri wavo kuvasaala mba.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.