Livalidza 24:17 - KITABU KITAKATIFU

¹⁷ Mbenzaa mu zing'inga ziza, na ndolaa ihiiri ya Isiraeli. Umwami kuli ing'ereng'ani yu vulavu, alatonga kutura mu ihiiri yeyo. Alatula mu vandu va Isiraeli, kuli ing'ereng'ani. Alakuya aviimiliri va Moabu kandi alaguuta vandu vosi va Sezu.

Livalidza 24:17 ပူးပေါင်းရင်းမြစ်များ

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

2 Samweli 8:14

Yalomba hokososa ha mahi ga avasikari mu Moabu mwosi, na avandu uwene yeyo vaagwa avatumikiri veve. Yahova yahaana ku Daudi vuguuti havundu hoosi.

2 Samweli 8:2

Maku yaguuta vandu va Moabu kandi. Yahaana lilago avahambe vagone hasi kandi niyiita vaviri ku vuli vavaga kuvo. Kunangwa vandu va Moabu vaagwa avatumikiri veve kandi vatuunga uvusuru kuye.

2 Avami 3:5

Navuzwa lwa mwami Ahabu yakuza, mwami Mesha wa Moabu yibaala nukutura ku mwami wa Isiraeli.

1 Kyetsinyinga 18:2

Kandi yaguuta vandu va Moabu avamanya nivagwa avatumikiri veve kandi nivatunga uvusuuru ku ye.

Zaburi 110:2

Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Zaburi 45:6

Uvwami vwa Nyasaye amali kuha ivi, vulahindira mihiga ni mihiga. Ivi wamihaa avandu vovo nilikalaga lirungi.

Isaya 15:1

Yili ni likuva lia Nyasaye kigira kivala cha Moabu. Madaala manene ga Ari na Kiri gadiviziywi mu vudiku vulala, kandi kisundi kikuniki kivala cha Moabu.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 48:1

Yaga nigo aga Yahova Wuvunyali, Nyasaye wa Isiraeli yavoola kigira avandu vikivala cha Moabu: “Avandu va Nebo vaveeye mukivi, Lidaala liavo limali kudivizwa! Lidaala lia Kiriazaimu limali kugumirwa, zimbinga zialio zie zinguru zimali kwononywa; kandi avandu valio vamali kuvikwa mu zisoni.

Jeremia 48:45

Avahaali vataveeye novokonyi valageliza kuzia konyoora likingwa mu Heshiboni, lidaala linene liu mwami wa Sihoni yamiha ing'inga yindi, navuzwa lomemo lwu mulilu lwaduuka kulio. Mulilu gumali kudiviza zinzako harara ni zindongozi zie vigulu via vandu va Moabu avayaanzaa iliihi.

Zekaria 10:4

Avamihi aviimiliri, na vahaani va malago, valakatuli muvo; avalakamiihi avandu vange.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Livalidza 21:29

Vudinyu ki yivu ku munyi avandu va Moabu! Munyi avasigamiraa va Chemoshi mumali kudivizwa! Munyasaye winyu yaleka avasaza ni viruka, Kandi avakali vagimilwa nu mwami wa vandu va Amoriti.

Livalidza 24:16

uyu uhulira ga Nyasaye avoora; na onyoora vogeri vuturaa ku uyu oveeye igulu ligali. Ndolaa malola, ni zimoni ziumika, amalola kutura ku Yahova Wuvunyali.

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

Vahebraina 1:8

Navuzwa ku Mwana, Nyasaye yavoola, ndi: “ O, Nyasaye, Uvwami vuvwo, vulahindira mihiga ni mihiga! Wamiihaa avandu vovo nu vulungi.

Vahebraina 7:14

Gamanyikanaa vulahi ndi Mwami wiitu yiivulwa kutura mu ihiiri ya Yuda; kandi Musa siyavoola ku kindu choosi ku ihiiri yiyi lwa yamoloma kigira vasaalisi mba.

2 Petro 1:19

Kunangwa koveeye ni lisuuvira ligali na makuva galandizwa na vaporofeti. Mulakola vulahi niiva mulagahuliriza, kigira gaveeye kuli itaya yaka mu kisundi kuduuka lwa vuchezaa, nu vulavu vwe eng'ereng'ani ya mugamba yaka mumioyo jinyu.

Yudasi 1:11

O, vayaye, ikivi keveeye kuvo! Avandu yava vamali kolonda inzira ndala nzere ya Kaini yalonda ku. Kigira amadanyi ga mabese, vamali kokora kuli Balaamu yakola. Vamali kwibaala kuli Kora yibaala, kandi vadiviziywi kuli oyo.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.

1 Samweli 14:38

Ahene yaho Saolo yavolera vimiliri vosi va vandu va Isiraeli, “Hambi hano mwosi kuduuki kumanya nivwoni ki vokoleywe lidiku lia lero.