Livalidza 23:5 - KITABU KITAKATIFU

⁵ Yahova yavolera Baalamu cho kovora ma naamutuma kwirana ku Balaki kumuha makuva geege.

Livalidza 23:5 ပူးပေါင်းရင်းမြစ်များ

Kutwula 4:15

Unyala komoloma naye na umuvolere ganyala kovora. Na inzi ndamuvolera vombi gamukola.

Tsing'ano 16:1

Kunyala kuva ni lilohiza lietu, navuzwa Nyasaye aveeye ni likuva liukumaliriza.

Tsing'ano 16:9

Unyala kuva ne lilohiza liilio, navuzwa Nyasaye yimiliraa vikolwa vivio.

Isaya 51:16

Mali kuviika makuva gange mu munwa gugwo, nguvisi mu chiriri chu mukono gwange; ndaavambura ligulu niinzava muse gwi lirova, mbolera munyi avandu va Jerusalemi: ‘Munyi muveeye avandu vange.’ ”

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Jeremia 1:9

Maku Yahova yanyira mukono gwigwe nadiira ku munwa gwange, kandi nambolera, “Hulira, inzi mali kukuha amakuva gomolomaa.

Livalidza 22:20

Vudiku yivwo, Nyasaye yazia ku Baalamu kandi navoora, “Niiva vasaza yava vazi kokoteeva uzie harara navo, wetegeke kuzia, navuzwa ukole vuzwa cha inzi ngovolera okole.”

Livalidza 22:35

Navuzwa engelosi yavoola, “Zizagilira na vasaza yava, navuzwa omolome vuzwa changovoolera ovoole.” Kunangwa Baalamu yazia navo.

Livalidza 23:16

Yahova yavugana na Baalamu namuvolera chokovoora, ma niyiirana naamutuma ku Balaki kuhaana makuva ga Yahova.

Livalidza 23:4

na Nyasaye yavugana naye. Baalamu yamuvolera, “Mali kwumbaka uvwali saba ma mbaani kihanwa chi giriki ni limigu ku vuli vwali.”

Livalidza 23:6

Kunangwa Baalamu yirana nanyoora Balaki na akisingiyi himbi ni kihanwa chiche chu kusambwa harara na vimiliri vosi va Moabu.

Luka 12:12

Ing'inga yeyo, Roho Mutakatifu alakamwigizi gaduukanaa muvoore.”

Yohana 11:51

Oyo siyavoola agene yaga mwene mba, navuzwa lwa yaali Musaalisi Munene mu muhiga yigwo, ya porofeta Yeso alakuzira ihiiri ya Avayuda;

Kwidzulitsa 18:18

Ndavatumira muporofeti kuli ivi kutura hagati ha avandu vaavo. Ndamuvolera icha avoora naye alavolera avandu vindu viosi via inzi mulaga.