Livalidza 23:3 - KITABU KITAKATIFU

³ Maku Baalamu yavolera Balaki, “Singira hano himbi ni kihanwa chicho chu kusambwa, ninzi ndazia kulola niiva Yahova alavugana ninzi. Ndakovolera choosi chaava naambuulila.” Kunangwa yazia yeng'ine kondongozi yi kiguru,

Livalidza 23:3 ပူးပေါင်းရင်းမြစ်များ

Litanga 22:13

Aburahamu yahenza muzimbega ziosi kandi yalora ligondi likore niligumiliywi muvulimu nizinziga zialio. Yazia naalivugura kandi nalihaana kuli kihanwa chu kusambwa muvogono vwu muyaayi weve.

Litanga 22:2

Nyasaye yavoola, “Uvuguli muyaayi woovo weng'ine Isaka, uwa wayanza ligali, kandi uzie mukivala cha Moria. Ivi ulamuhaana wene yira ku kiguru cha inzi manya ngumanyie kuli kisiuviriru ku inzi.”

Litanga 8:20

Nuhu yumbakira Yahova uvwali. Yavugula inyama indala inifu ku vuli zinyama ziosi, kandi linyonyi lilala lilahi ku vuli amanyonyi goosi, ma nasambira ku vwali kuli kihanwa ku Yahova.

Kutwula 18:12

Maku Jezero yaleeta kihanwa chukusambwa choosi nivisiuviliru vindi vihaanwe ku Nyasaye. Haruni na aviimiliri vosi va Isiraeli vazia harara na Navizara Musa ukulia chukulia kitakatifu kuli likora liukusigamira Yahova.

Kyavalevi 1:1

YAHOVA yalanga Musa kutura mu Lihema liu Kuvuganira mu, namuvolera,

Livalidza 23:12

Baalamu yamutivulira navoora, “Nyara kovora vutswa aga Nyasaye amboleraa kovora.”

Livalidza 23:15

Baalamu yavolera Balaki, “Singira hano himbi ni vihaanwa vivyo vyo kusamba, ninzi ndavugana na Nyasaye havundu hala.”

Livalidza 23:2

Balaki yakola kuli yavolerwa; oyo harara na Baalamu vahaana kihanwa chigiriki ni limigu ku vuli vwali.

Livalidza 23:26

Baalamu yativura navoora, “Sindakuvoolera ndi ndakora choosi cha Yahova yambolera?”

Livalidza 23:4

na Nyasaye yavugana naye. Baalamu yamuvolera, “Mali kwumbaka uvwali saba ma mbaani kihanwa chi giriki ni limigu ku vuli vwali.”

Livalidza 24:1

Kuduuka lwene yilwo Baalamu yamanya ndi Yahova yenya aduuki kugasiza vandu va Isiraeli, kunangwa si yazia kwenyeleriza vudamanu kuli yaali naakori maziambiri mba. Yagilung'ana nahenza lovega lwi changalangwi,

Matayo 4:8

Setani yamuhira ku kiguru kitambi ligali naamumanyia uvwami vwosi vwi lirova harara nu vukumi vwali.

Joshua 24:10

Navuzwa sindavugilira Balaamu aviiki kilaamo kumunyi mba. Muvogono yivwo, ndaamukora naativula uvugasu ku munyi, na munzira yiyi, ndamuhonyia kutura ku Balaki.