Livalidza 23:20 - KITABU KITAKATIFU

²⁰ Inzi ndavoolerwa ngasizi, na Nyasaye nagasizi sinyala kwilanyia munwa mba.

Livalidza 23:20 ပူးပေါင်းရင်းမြစ်များ

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

Litanga 27:33

Isaka yaatanga kodegera ligali navoora, “Nivwaha uyu, witi inyama ma nandetera? Inzi mali kulia inyama imbiri wa ivi waali nukikiri kuuza. Inzi mali kumugaasiza ligali, na alava nuvugasu mihiga ni mihiga.”

1 Kyetsinyinga 17:27

Ngoteva nuyanza uduuki kugasiza visukululwi viange kunangwa valaduuki kuzizagilira kusangalira ligasiza liilio. Ivi, Yahova, umali kuvagasiza vosi, kandi uvugasu vuvwo vulamenya kuvo mihiga ni mihiga.”

Isaya 43:13

Inzi mbeeye Nyasaye na ndakave ndio kazozo. Sihaveeyeho nu mundu kali mulala unyala kohona kutura ku zinguru ziange; siali ho numulala unyala kugirung'anyia icha inzi mali kokora.”

Livalidza 22:12

Nyasaye yavolera Baalamu, “Utazia na vasaza yava mba. Kandi utalama avandu va Isiraeli mba, kigira vagasizwa.”

Livalidza 22:18

Navuzwa Baalamu yavativulira, “Kali niiva Balaki alamba ifeza ni zahabu kutura munyumba yu vwami, sinyala kuvula kutia malago ga Yahova Nyasaye kali ku kindu kekekeeke mba.

Livalidza 22:38

Baalamu yativura, “Inzi sindaaza? Navuzwa kalunu zinguru ki ziambeeye nazio? Nyara kovora vuzwa cha Nyasaye yamboleeye mbore.”

Livalidza 6:27

Maku Yahova yavoola, “Niiva Haruni na vayaayi veve valandeva kugasiza vandu va Isiraeli, Inzi ndavagasiza.”

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.