Livalidza 23:19 - KITABU KITAKATIFU

¹⁹ Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Livalidza 23:19 ပူးပေါင်းရင်းမြစ်များ

Litanga 26:3

Omenye hano, na ndava harara na ivi, kandi ndakugasiza. Ndakuha kivala yiki choosi harara nivisukululwi vivio. Ndalonda lilagana lia ndalomba na baba woovo Aburahamu.

Litanga 28:15

Wizulizi, Inzi ndava harara na ivi kandi ndakukukingi havundu hoosi ha uzia; kandi ndakakwiranye mukivala yiki. Si ndakakoleke mba, kuduuka lwa ndakaduukizi goosi aga mali kukulaga.”

1 Avami 14:11

Mundu woosi, winyumba yooyo ukuzira mu lidaala linene, alaliivwa nizimbwa, kandi mundu woosi ukuzira mu kiguti, alalivwa ni zisoti. Inzi Yahova mali komoloma.’ ”

2 Avami 15:12

Kunangwa lilaga yili liadukizwa ilia Yahova yaali ni yalomba ku mwami Jehu: “Visukululwi vovo, kuduuka ku likula lia kane, valava avami va Isiraeli.”

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

1 Kyetsinyinga 17:17

Nitali kalunu okolaa kali manyingi ligali; umali kolomba malagano kigira ivisukulurwi viange mu mihiga guzaa, na ivi, Yahova Nyasaye wange umbuguye kuva kuli mundu munene ligali.

Zaburi 110:4

Yahova yalomba lisuuvirizwa na sialagirung'anyia zing'anagani zizie mba, “Ivi ulava musaalisi mihiga ni mihiga kolondekana ku ovolohizi vwu vusaalisi vwa Melikizedeki.”

Zaburi 132:11

Ivi walomba lilagana lie liesuuha ku Daudi, lisuuviriza lia utanyala kugirung'anyia kandi mba: “Ndakora mulala ku vayaayi vovo kuva mwami, na alamiiha inyima woovo.

Zaburi 77:9

Nyasaye umali kwivilira kuva wi zimbavasi? Uvutima vwivwe vumali kuvugura ovogono vwi livererera lilie ku kunyi?”

Zaburi 89:34

Inzi sindavunaga lilagana liange naye mba, anoho ndulize ho lisuuviriza kali lilala lia ndaalomba naye mba.

Zaburi 89:35

“Inzi mali kwisuha ku lieta liange litakatifu ndi ‘Si ndavehera ku Daudi mba.’

Isaya 21:17

Avalasi vimivano juvuta vaveeye vasaza valuviliri va Kedari, navuzwa vakekeeke kuvo valatigala. Inzi Yahova Nyasaye wa vandu va Isiraeli mali kovora.”

Isaya 31:2

Yahova amanyi agaakolaa, kandi aletaa ikivi ku avadamanu. Adukizaa litihiza lilie kandi ahaanaa mageri ku vadamanu na yavo avakingaa vadamanu.

Isaya 40:8

Yaga gaveeye agiligali, kigira uvunyasi vuniara, namaua guuma, navuzwa Likuva lia Nyasaye lilamenya mihiga ni mihiga.”

Isaya 46:11

Ndalaanga mwami Sairasi kutura Ivugwi mu kivala cha Pasia, alaza kuli iliive, kandi alatwekiza goosi agandalohiza kokora. Inzi mali kovora kandi galakoleka.

Isaya 55:11

Likuva liange lia molomaa liveeye ndio kandi. Sililirana ku inzi iliere mba, navuzwa liradukiza ilienya liange. Lilagasizwa mu miyinzi ja ndalituma likore.

Jeremia 4:28

Avandu valasioma; ligulu lilava kisundi. Yahova umali kovora kandi sialagirung'anyia zing'anagani zizie mba. Umali kolomba likalaga lilie kandi sialagirung'ana mba.

Danyeli 4:28

Yaga goosi gekoleka ku mwami Nebukadineza.

Hosea 11:9

Inzi si ndamuha mageri mu vutima vwange mba. Sindadiviza avandu va Isiraeli kandi mba. Inzi mbeeye Nyasaye na si mbeeye umundu mba. Inzi, oveeye Mutakatifu mbeeye ni munyi. Si ndaza ku munyi nu vutima mba.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Malaki 3:6

“Inzi mbeeye Yahova kandi singirung'anaa mba, kunangwa munyi, visukululwi via Yakobo, simulagota vosi ligali mba.

Livalidza 14:35

Inzi mali kwisuuha ndi, ndakora yaga ku munyi avandu vaveeye avachamu, avamali kuvunga harara kovora makuva madamanu ku inzi. Munyi vosi mulakuzira hano mwigendanyama. Inzi Yahova mali kovora.’ ”

Livalidza 23:18

na Baalamu yativura uvoporofeti yivu: “Hamba, Balaki muyaayi wa Zipori, ma uhulirizi ganziiza kovora.

Luka 21:33

Ligulu ni lirova vilavita, navuzwa amakuva gange sigalivita mba.

Varumi 11:29

Nyasaye namali kugasiza avandu ni vihaanwa kandi namali kuvalanga, si agirung'anaa mu zing'anagani zizie kandi mba.

Varumi 9:6

Simbolaa ndi lisuuvirizwa lia Nyasaye liavula kuduukizwa mba; kigira sivaveeye vandu va Isiraeli vosi avaveeye avandu vatovole va Nyasaye mba.

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Vahebraina 7:21

Navuzwa Yeso yakolwa musaalisi munzira yi liesuuha lwa Nyasaye yamuvolera, “Mwami umali kolomba lisuuvirizwa liu kwisuuha kandi sialagirung'anyia zing'anagani zizie mba: ‘Ivi ulava Musaalisi mihiga ni mihiga.’ ”

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

Yakobo 4:5

Muganaganaa agiligali sigaveeye mu Mang'oda Matakatifu gavoora ndi, “Roho wa Nyasaye yavika amenye mu kunyi, yizuuyi likayirwa lilulu.”

Joshua 21:45

Yahova yaali niyalomba lisuuvirizwa linyingi ku vandu va Isiraeli, kandi siyavunaga kali lilala kugo mba.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”

1 Samweli 3:12

Ku lidiku yilio ndatwekiza litihiza liange liosi ku vinyumba ya Eli, kutura ku litanga kuduuka ku keheri.