Livalidza 22:8 - KITABU KITAKATIFU

⁸ Baalamu yavavolera, “Mugone hano, na mugamba ndamuvolera aga Yahova yamboleeye.” Maku aviimiliri va vandu va Moabu vatigara harara na Baalamu.

Livalidza 22:8 ပူးပေါင်းရင်းမြစ်များ

1 Avami 13:8

Navuzwa muporofeti zana yamutivulira, “Kali niiva wakambeeye inusu yu vutugi, sindakaziyi nivi anoho kulia anoho kunwa kindu choosi nivi mba.

1 Avami 22:14

Navuzwa Mikaya yativura, “Ngwisuuhiraa ku Yahova oveeye mwoyo, ndi inzi ndavoora cha Yahova yambolera mbore.”

Jeremia 12:2

Ivi wavasimika kuli musaala navahira imiri; vaviruka kandi vaama amakuyu. Vuli ing'inga vamoloma vulahi kigira ivi, navuzwa sivakohendera mwoyo mba.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Livalidza 22:18

Navuzwa Baalamu yavativulira, “Kali niiva Balaki alamba ifeza ni zahabu kutura munyumba yu vwami, sinyala kuvula kutia malago ga Yahova Nyasaye kali ku kindu kekekeeke mba.

Livalidza 22:38

Baalamu yativura, “Inzi sindaaza? Navuzwa kalunu zinguru ki ziambeeye nazio? Nyara kovora vuzwa cha Nyasaye yamboleeye mbore.”

Livalidza 22:7

Maku aviimiliri va vandu va Moabu harara na vimiliri va Midiani vazia ni mitungu ji kilaamo ku Baalamu, kandi vamuvolera makuva ga Balaki.

Livalidza 22:9

Kandi Nyasaye yaza ku Baalamu na muteeva, “Avandu ki vamumenyi navo yava?”

Livalidza 23:12

Baalamu yamutivulira navoora, “Nyara kovora vutswa aga Nyasaye amboleraa kovora.”

Livalidza 23:3

Maku Baalamu yavolera Balaki, “Singira hano himbi ni kihanwa chicho chu kusambwa, ninzi ndazia kulola niiva Yahova alavugana ninzi. Ndakovolera choosi chaava naambuulila.” Kunangwa yazia yeng'ine kondongozi yi kiguru,

Livalidza 24:13

kali niiva ulamba ifeza kandi izahabu eveeye munyumba yooyo yu vwami, sindaali nyara kuhing'ana na malago ga Yahova no kokora kindu inzi mwene mba. Ndavoora cha Yahova amboleraa mbore.”