Livalidza 21:7 - KITABU KITAKATIFU

⁷ Avandu vazia ku Musa ni vamuvolera, “Kwakora vwoni lwa kwigana ku Yahova harara nivi, kalunu kusaala ku Yahova atuliziho zinzoka yizi.” Maku Musa yasaalira vandu.

Livalidza 21:7 ပူးပေါင်းရင်းမြစ်များ

Litanga 20:17

Maku Aburahamu yasaala ku Nyasaye, na Nyasaye yahonyia Abimeleki harara mu mukali weve kandi avatugwa veve avakaana, kunangwa vaduuki kwivura avana.

Litanga 20:7

Navuzwa kalunu, oleke mukali uyu yirani ku musaza weve. Musaza weve aveeye muporofeti, kandi alakusaalira kunangwa uvuli kukuza. Navuzwa niiva si ulamuleka yirani ku musaza weve, inzi gwiganihizaa ndi ivi harara na vandu vovo vosi mulakuza.”

1 Avami 13:6

Mwami Jeroboamu yavolera muporofeti, “Mwaza salira ku Yahova Nyasaye woovo, na umuteeve ahonyie mukono gwange!” Muporofeti zana yasaala ku Yahova, nu mukono gwu mwami gwahonywa.

2 Avami 13:4

Maku Jehoahazi yasaala ku Yahova, na kigira Yahova yalora kuli mwami wa Siria yadambizaa Avaisiraeli nu vululu, yamutivulira lisaala lilie.

Ayubu 42:10

Maku, lwa Ayubu yaali ni yakasaala valina veve vavaga, Yahova yamugasiza kandi naamuha ivindu haali kaviri kuvita ivia yaali navio maziambiri.

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 78:34

Lwa Nyasaye yitaa valala kuvo, avandi vosi avatigara viirana kuye; niviganira nukwanira kuye nu mwoyo gwosi.

Kutwula 10:17

Kunangwa kalunu mwaza musamiihi uvwoni vwange ing'inga ndala vuzwa kandi musaale ku Yahova Nyasaye winyu atulizi mageri gi likuza yili ku inzi.”

Kutwula 32:11

Navuzwa Musa yagoonya Yahova Nyasaye weve, navoora, “Yahova, kigira ki uvutima vuvwo voveeye ku avandu vovo, avawahonyia nuvunyari vuvwo vonene nuvatuliza mu kivala cha Egebeti?

Kutwula 32:30

Kunangwa lidiku lialondaku Musa yavolera avandu, “Mumali kokora uvwoni ovonene ligali. Navuzwa kalunu ndanigira kuzia mukigulu ku Yahova; mbula ndanyoora lisamiifwa kigira vwoni vwinyu.”

Kutwula 8:28

Mwami yavoola, “Ndamuleka muzie kuhaana visiuviliru ku Yahova, Nyasaye winyu, mwigendanyama, niiva simulazia ihaale mba. Musaliri ku.”

Kutwula 8:4

Galatumatuma ku ivi, ku vandu vovo, kandi kuvatumikiri vovo vosi.’ ”

Kutwula 8:8

Mwami yalanga Musa na Haruni navoora, “Musaale ku Yahova atulizi ho amakere yaga Inzi ndaleka avandu vovo vazie, kunangwa vaduuki kuhaana visiuviliru ku Yahova.”

Isaya 26:16

O, Yahova, oheeye avandu vovo mageri, na mu vuzunu vwavo vululu, vasaala ku ivi.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 37:3

Mwami Zedekia yatuma Jehukali mwana wa Shelemia kandi musaalisi Zefania mwana wa Maaseia koteeva inzi saale ku Yahova Nyasaye wiitu kigira avandu vihiiri yitu.

Hosea 5:15

“Inzi ndaleka avandu vange kuduuka lwa vasalira ligali kigira uvwoni vwavo kandi valaza konyenya. Namusia mulisalirizwa liavo valageriza kwenya Inzi.”

Livalidza 11:2

Lwa vandu vanira ku Musa konyoora ovokonyi, Musa yasaala ku Yahova, nu muliru gwasima.

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Vikolwa 8:24

Simoni yativura navoora, “Mugoonyaa mwaza musaliri ku Mwami, kunangwa ivindu via muvooraa yivi vitangwira kali kilala mba.”

Varumi 10:1

Avaamitu vange, nzegomba numwoyo gwange gwosi avandu vange Isiraeli vanyoore vohonyi! Mbasaaliraa ku Nyasaye!

Kwidzulitsa 9:20

Yahova yavihilirwa na Haruni ligali kali niyenya amwiti, kunangwa ndasaalira Haruni ing'inga zana yeyo.

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

1 Samweli 15:24

Saolo yavoola, “Yee, inzi mali kwona. Mali kutinguha lilago lia Yahova kandi amigizu googo. Ndaatia avandu vange, kandi ningora aga venya.

1 Samweli 15:30

Saolo yavoola, “Inzi mali kokora uvwoni. Navuzwa nuyanza, manyia utanzangalariza imbiri wa vimiliri va vandu vange kandi Isiraeli vosi. Yirana nainzi kunangwa nduuki kusigamira Yahova Nyasaye woovo.”