Livalidza 21:34 - KITABU KITAKATIFU

³⁴ Yahova yavolera Musa, “Utamutia mba. Ndakokola umuguuti harara na vandu veve vosi kandi kivala chiche choosi. Umukolere agawakolela ku Sihoni umwami wa vandu va Amoriti wamihaa, Heshiboni.”

Livalidza 21:34 ပူးပေါင်းရင်းမြစ်များ

2 Samweli 5:19

Daudi yateeva Yahova, “Ngazia kwingilira vandu va Filisitia naho? Ulamba iliguuta?” Yahova yativura, “Yee, zia uvatuliri! Inzi ndakuha iliguuta!”

1 Avami 20:13

Ing'inga yeyo, muporofeti yazia ku mwami Ahabu navoora, “Yahova avoora, ‘Utatia liihi linene lila mba! Inzi ndakuha vuguuti kulio kalunu ndi, kandi ulamanya ndi inzi mbeeye Yahova.’ ”

1 Avami 20:28

Muporofeti yazia ku mwami Ahabu navoora: “Yiki nicho cha Yahova avoora; ‘Kigira Vandu va Siria vavoola ndi inzi ni Nyasaye wivigulu navuzwa simbeeye Nyasaye wivileremo, ndakuha vuguuti ku liihi liavo linene, ivi na vandu vovo mulamanya ndi inzi mbeeye Yahova.’ ”

2 Avami 3:18

Elisha yaazizagilira, “Navuzwa kindu yiki ne kedoto ku Yahova kokora, alamuha kandi vuguuti ku Vamoabu.

Isaya 41:13

Kigira Inzi Yahova Nyasaye winyu; ndaamuha zinguru, kandi ndamuvolera, ‘Mutatia mba; ndamukonya!’ ”

Livalidza 14:9

Mutahing'ana na Yahova mba, kandi mutatia vandu vamenyi mu kivala yiki mba. Kulavaguuta ligali. Yahova aveeye harara ni kunyi kandi amali kuguuta avanyasaye vaavo avavakingaa. Kunangwa mutatia mba.”

Livalidza 32:4

ni vivala via Yahova yaguuta kigira vandu va Isiraeli; viveeye vivala vilahi ku mitugu jietu, kigira kunyi koveeye ni mitugu minyingi ligali.

Kwidzulitsa 2:30

“Navuzwa mwami Sihoni, siyaali anyala koleka kuvitiri mu kivala chiche mba. Yahova Nyasaye winyu yamukola kuva mudinyu kandi yamukola kuva ni liebaala, kunangwa kuduuki kumuguuta kandi kuvugura kivala chiche icha kokemenyi mu kuduuka kalunu.

Kwidzulitsa 20:3

navoora, ‘Avasaza va Isiraeli, muhuliri! Lidiku lia kalunu muziza muvulwani. Mutatia avasigu vinyu, anoho kukuza mioyo, anoho kodegera mba.

Kwidzulitsa 3:1

“Maku kwagirung'ana kuzia ivaale kunzira inzizaa mu kivala cha Bashani, na Ogu, Mwami wa Bashani, harara na vasaza vi liihi lilie vosi vaatura kukulwaana ahimbi ni lidaala lia Edirei.

Kwidzulitsa 3:11

(Omwami Ogu niyie waali wukumaliriza uwatigalaa ku vandu va Refaimu. Kidali chiche ichalombwa Kutura ku kivia chaali zimita zine uvutambi na uvugika nivuva ahimbi zimita ziviri, kolondekana ni kibimu chaviikwaho. Kinyala kololeka mu lidaala linene lia vandu va Amori lia Raba.)

Kwidzulitsa 31:6

Muve avagulu kandi avaluviriri. Mutatia kandi mutadegerizwa navo mba, kigira Yahova Nyasaye winyu alazia harara nimunyi. Sialamuleka anoho kumusuura mba.”

Kwidzulitsa 7:17

“Muteevolera aveene ndi, Avandu vi zihiiri yizi vaveeye avanyingi kuvita kunyi. Kunyala ndi kuvakunga vatuli mu kivala chavo?

Kwidzulitsa 7:18

Mutavatia mba; mwizurizi aga Yahova Nyasaye winyu yakola ku Mwami wa Egebeti kandi ku avandu veve vosi.

Kwidzulitsa 7:21

Kunangwa mutatia avandu yava mba. Yahova Nyasaye winyu aveeye harara ni munyi; aveeye Nyasaye munene kandi mulala wukutivwa.

Kwidzulitsa 7:24

Alaguuta avami vaavo. Mulaviita kandi valivilirwa. Sialava ho nu mugaya mba. Muladiviza vosi sa mulala.

Joshua 10:25

Ahene yaho Joshua yavolera vimiliri vi liihi veve, “Mutatia anoho kukuza mioyo mba. Muve avagulu kandi avaluviriri, kigira nindio Yahova naakole ku vasigu vinyu ava muzizaa kulwaana navo.”

Joshua 10:8

Yahova yavolera Joshua, “Utavatia mba: inzi mali kuhaana kuivi liguuta. Sihaveeye ho numulala muvo unyala kusingira ku lihingira ivi mba.”

Joshua 8:7

Maku munyi mulatula aha mugoneki nukuvugula lidaala. Yahova Nyasaye winyu alamuha lidaala zana.

Vakalagi 11:30

Jefuza yalomba lilagano na Yahova navoora, “Niiva ulangola mbe niliguuta ku vandu va Amoni,

1 Samweli 23:4

Kunangwa Daudi yateeva uvulariri vwa Yahova kandi. Yahova yamuvolera, “Zia wingiliri Keila kigira ndakokola uguuti avandu va Filisitia.”