Livalidza 21:29 - KITABU KITAKATIFU

²⁹ Vudinyu ki yivu ku munyi avandu va Moabu! Munyi avasigamiraa va Chemoshi mumali kudivizwa! Munyasaye winyu yaleka avasaza ni viruka, Kandi avakali vagimilwa nu mwami wa vandu va Amoriti.

Livalidza 21:29 ပူးပေါင်းရင်းမြစ်များ

1 Avami 11:33

Nziza kokora ndio kigira Solomoni umali kusuura, kandi umali kusigamira avanyasaye vageni. Ashitarozi, umunyasaye wikikali wa Sidoni; Kemoshi, munyasaye wa Moabu; kandi Moleki, umunyasaye wa Amoni. Solomoni uvuli kumbulira; okoli vudamanu kandi uvuli kugumira malago gange kuli baba weve Daudi yakola.

1 Avami 11:7

Ku kiguru, Ivugwi wa Jerusalemi, yumbaka havundu hukusigamira Kemoshi, umunyasaye, wukuvihiliriza wa Moabu, kandi havundu hukusigamira Moleki, umunyasaye wukuvihiliriza wa Amoni.

2 Avami 23:13

Mwami yononyia uvwali vwosi vwa Solomoni yaali ni yumbaka ivugwi wa Jerusalemi, isavaalu wi kiguru cha Muzeituni, kigira lisigamira lie misambwa ju kuvihiliriza, Asitarite munyasaye wikikali wa Sidoni, Kemoshi munyasaye wa Moabu, kandi Moleki, munyasaye wa Amoni.

Isaya 15:5

Mwoyo gwange guliliraa Moabu! Avandu virukiyi mu lidaala lia Zoari, kandi kuduuka Egilazi Shelishiya. Valala vanigira kunzira izizaa Luhizi, nivasioma lwa vaziza; valala virukira Horonaimu nivasioma ligali.

Isaya 16:2

Avakali va Moabu valindilira ku lujinga liumugera gwa Arinoni nokovoyavoya yiyi na yiyi, kuli manyonyi gakungiywi kutura ku viduku viago.

Jeremia 48:13

Maku avandu va Moabu valaviikwa mu zisoni nu munyasaye wavo Kemoshi, kuli avandu va Isiraeli vaviikwa mu zisoni na Bezeli, munyasaye wa vasuuvira muye.

Jeremia 48:45

Avahaali vataveeye novokonyi valageliza kuzia konyoora likingwa mu Heshiboni, lidaala linene liu mwami wa Sihoni yamiha ing'inga yindi, navuzwa lomemo lwu mulilu lwaduuka kulio. Mulilu gumali kudiviza zinzako harara ni zindongozi zie vigulu via vandu va Moabu avayaanzaa iliihi.

Jeremia 48:46

Ikivi keveeye ku munyi avandu va Moabu! Avandu vaasigamira umunyasaye wavo Kemoshi vamali kudivizwa. Avayaayi vaavo na avakaana vaavo vamali kokolwa kuli vahambe.

Jeremia 48:7

“Munyi avandu va Moabu, mwasuuvira mu zinguru zienyu kandi mu vutugi vwinyu, navuzwa kalunu kali mulaguutwa; munyasaye winyu Kemoshi alahirwa mu lihaminywa, harara na avanene veve kandi avasaalisi veve.

Livalidza 24:17

Mbenzaa mu zing'inga ziza, na ndolaa ihiiri ya Isiraeli. Umwami kuli ing'ereng'ani yu vulavu, alatonga kutura mu ihiiri yeyo. Alatula mu vandu va Isiraeli, kuli ing'ereng'ani. Alakuya aviimiliri va Moabu kandi alaguuta vandu vosi va Sezu.

Vakalagi 11:24

Wenyaa wilane kogeliza kuvugura ikivala chene yiki? Unyala kuva ni vindu viosi viu munyasaye woovo. Chemoshi amali kuhaana ku ivi. Navuzwa kunyi kulava ni vindu vietu via Yahova, Nyasaye wiitu umali kukuha.