Livalidza 21:26 - KITABU KITAKATIFU

²⁶ Heshiboni liali lidaala linene liu mwami Sihoni wa vandu va Amori, uwaali na lwaani nu mwami wukutanga wa vandu va Moabu, na yaali navuguyi kivala chichie choosi kutura ku mugera gwa Arinoni.

Livalidza 21:26 ပူးပေါင်းရင်းမြစ်များ

Lwimbu lwa Solomoni 7:4

Ligoti liilio liveeye kuli munara gwu lwiga lwenzogu. Zimoni zizio ziveeye kuli visima via madavalia ga mazi, mulidaala lia Heshiboni, ahimbi ni kilivwa chi lidaala linene lia Bazirabimu, amuru googo gayaanziza kuli munara gwa Lebanoni kolovega lwa Damasiko.

Lwimbu lwa Solomoni 7:5

Mutwi gugwo gwa singira vulungi kuli kiguru cha Karimeli. Liisu liilio lia sitwa ling'ereng'anaa kuli inguvu indahi, vulahi vwalio vunyala kuviika mwami muvuhambe.

Jeremia 48:2

Lizominywa lia vandu va Moabu si liveeye ho kandi mba. Avasigu vamali kugumira lidaala lia Heshiboni, kandi valohizi mu vwivisu kudiviza ihiiri ya Moabu. Lidaala lia Madimeni lilachiring'anywa; amahi galazia kulilwana ni kivavi.

Jeremia 48:20

Valativura ndi, ‘Moabu imali kugwa, musiome kigira eveeye mu zisoni. Mulandizi ku mugera gwa Arinoni, ndi Moabu imali kudivizwa!’

Jeremia 48:45

Avahaali vataveeye novokonyi valageliza kuzia konyoora likingwa mu Heshiboni, lidaala linene liu mwami wa Sihoni yamiha ing'inga yindi, navuzwa lomemo lwu mulilu lwaduuka kulio. Mulilu gumali kudiviza zinzako harara ni zindongozi zie vigulu via vandu va Moabu avayaanzaa iliihi.

Livalidza 21:25

Maku avandu va Isiraeli vavugura madaala manene ga vandu va Amoni harara na madaala goosi gakumberiza Heshiboni na vandu vamenya mu.

Livalidza 21:27

Yicho nicho kigira vami ni vimba, “Hambi Heshiboni, mu lidaala liu mwami Sihoni! Kwenya kolole ni liumbakiywi uvuhia nukulilanyia kuli lialange.

Kwidzulitsa 1:4

Yakola ndio inyima wa Yahova yaali niyakaguuta Sihoni Mwami munene wa vandu va Amori, uwamihaa mu lidaala lia Heshiboni, kandi Ogu Mwami munene wa Bashani, uwamihaa mu madaala ga Ashitarozi na Edirei.

Joshua 13:16

Kivala chavo chaduuka Aroeri, kuzindulu zie livona lia Arinoni kandi lidaala hagati lie livona yilio kandi harara ne kereremo choosi kukumberiza Medeba.

Joshua 13:17

Chaali harara na Heshiboni, kandi madaala manene goosi gu kukereremo; Eiboni Bamozibaali, Bezi, Baalimeoni,

Joshua 13:25

Kivala chavo chaali harara ni lidaala linene lia Jazeri kandi madaala goosi mu kivala cha Gileadi. Chaali harara kandi ni kivala cha Amoni, kuduuka ku lidaala lia Aroeri, iliveeye kolovega lwi ivugwi wi lidaala linene lia Raba.

Joshua 21:39

Heshiboni, na Jazeri harara na madaala guvwayiru vwago.

Vakalagi 11:26

Ku mihiga miatatu vandu va Isiraeli vamenya mu Heshiboni na Aroeri, kandi mu madaala gaveeye ahimbi, harara na madaala gandi amanene kulujinga lwu Mugera gwa Arinoni. Kigira ki simwavugula amadara zana yaga kutura ing'inga yila yoosi?