Livalidza 20:8 - KITABU KITAKATIFU

⁸ “Vugula imbimbu eveeye imbiri we Lisandugu lia Malago maku yivi na Haruni muvungizi vandu. Ahene yaho imbiri wavo vosi, omolomere lwanda lula na mazi galasinuka kutura mulwo. Munzira yiyi ulaleeta mazi kutura mu lwanda ga vandu vanwa harara ne mitugu jaavo.”

Livalidza 20:8 ပူးပေါင်းရင်းမြစ်များ

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

Nehemia 9:15

“Lwa vaali ninzara, wavaha mugadi kutura mwigulu, na lwa vaali nuvuluhu, wavaha amazi kutura ku lwanda. Ivi wavavolera vavuguli kivala icha waali nuwavasuuviriza ndi ulavaha.

Zaburi 105:41

Yakunura ulwanda na mazi manyingi ganyinyuka. Giturukaa kuvitira mu changalangwe kuli mugera.

Zaburi 114:8

ugirung'anyia zinyanda kugwa madavalia ga mazi, kandi ugirung'anyia magina madinyu ligali kugwa visenukiru via mazi.

Zaburi 33:9

Lwa Yahova yamoloma likuva, lirova lialombwa. Ku lilaga lilie, vindu viosi vialoleka.

Kutwula 14:16

Ginga imbimbu yooyo igulu ogesone kunyanza. Amazi galaavukana, na vandu va Isiraeli valagenda kuvitira munyanza ku lirova liumu.

Kutwula 17:9

Musa yavolera Joshua, “Tovola vasaza valala vazie kulwaana vandu va Maleki mugamba. Inzi nasingili kondogozi kwi kiguru ningumiyi imbimbu ya Nyasaye yambolera ng'ingi.”

Kutwula 4:17

Vugula imbimbu yiyi na ulakola vilolekizu viokogenyia nayo.”

Kutwula 4:2

Yahova yamuteeva, “Oveeye naki mu mukono gugwo?” Naye yativura, “Imbimbu.”

Kutwula 4:20

Kunangwa Musa yavugula mukali weve na vayaayi veve naavanyinyia ku bunda, niyirana mu kivala cha Egebeti nagiingi imbimbu ya Nyasaye yamuvolera avuguli.

Kutwula 7:20

Maku Musa na Haruni vaakora kuli Yahova yavalaga. Imbiri wu Mwami navatumikiri veve, Haruni yaginga imbimbu yeeye igulu nakuya mu mugera, na amazi goosi gagirung'ana nigagwa amasahi.

Isaya 43:20

Kali zinyama ziumbulimu zilamba uluyali; ivivwi na mavudu vilanzizominya, lwa ngola migera kuvitira mu changalangwi ukuhaana mazi ku avandu vange vatovole.

Isaya 48:21

Yahova yimilira avandu veve kuvitira muchangalangwe ichumu kandi kihiu ligali, navuzwa sivali nuvuluhu mba. Nyasaye yavaha amazi kutura mu lwanda, yatanyia ulwanda, na mazi gaturaa mu.

Livalidza 20:11

Kunangwa Musa yaginga imbimbu nakuya ku lwanda haali kaviri, nu mugela munene gwa mazi gwasinuka, kunangwa vandu vosi ni mitugu vanwa mazi.

Livalidza 20:7

Yahova yavolera Musa,

Livalidza 21:15

kandi kuduuka mu livona lizizaa kuduuka mu lidaala lia Ari kandi kuduuka ku lwako lwa Moabu.”

Livalidza 21:18

Kidaho cha vakana va vami vayava harara na vimiliri va vandu, kidaho cha vayava ni mbimbu yu vwami harara ni zimbimbu ziavo.” Vagenda kutura mwigendanyama ni vazia kuduuka Matana,

Matayo 21:21

Yeso yavativulira, “Ligali muvooleraa, munyi ni muva ni lisuuvira vugira kuhayahayiza, si munyala kokora yaga geng'ine agakoleywi ku mukuyu, navuzwa kali munyala kovoolera kiguru yiki, ‘Yigingi wisigisi mu inyanza,’ na galakolwa ndio.

Luka 11:13

Munyi kali niiva muveeye avadamanu, mwamanya kuha avana vinyu vihaanwa vilahi, nasindi Baba winyu oveeye mwigulu, alamuha kuvita ligali. Alahaana Roho Mutakatifu kuvo avamusaala.”

Yohana 16:24

Kuduuka kalunu mukiri koteeva kindu choosi mu lieta liange. Musaale na munyi mulahevwa, kunangwa uvusangari vwinyu vuduuki kuduukizwa ligali.

Vikolwa 1:14

Yava vosi vavugana harara kazozo mu lisaala, kuli muganda, harara na vakali kandi Maria mama wa Yeso, na avamwavo veve.

Joshua 6:20

Kunangwa avasaalisi vaakuba visiliva. Nonoho lwa vasaza zana vahulira mwoyo gwi visiliva, nigukuba ku lohono, vahaanzuka nu mwoyo munene ligali, na amadigi gulugaga gaagwa hasi. Maku iliihi liosi lia Isiraeli vanigira kiguru vulungi nokwingira mu lidaala linene nivaligumira.

Joshua 6:5

Maku valakuba visiliva vie zinziga zie ugoondi limigu lulala ku vutambi. Nonoho lwa muhulira lilangilira lie visiliva yilio avasaza vosi valahanzuka nu mwoyo munene, ligali, na amadigi gulugaga lwi lidaala linene galagwa hasi. Maku liihi liosi lilazia vulungi mu lidaala linene.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.