Livalidza 20:6 - KITABU KITAKATIFU

⁶ Musa na Haruni visunda kutura ku vandu nivasingila muvwingiliru vwi Lihema. Vinaminya vweni vwavo kuduuka kumalova na vukumi vwa Yahova vwaloleka kuvo.

Livalidza 20:6 ပူးပေါင်းရင်းမြစ်များ

1 Kyetsinyinga 21:16

Daudi yalora engelosi nasingiyi mu vwerefu hagati, nagumiyi kivavi chiche mu mukono gwigwe, niyetegeki kudiviza Jerusalemi. Maku Daudi na aviimiliri va avandu, vosi avaari niviviiki zinguvu zia magunia, vaagwa haasi mamumama.

Kutwula 16:10

Lwa Haruni yamoloma kulivugana liosi lia avandu va Isiraeli, vagirung'ana nivahenza mu changalangwi, kandi uvukumi vwa Yahova vwaloleka mu malesi.

Kutwula 17:4

Musa yasaala nu mwoyo gwosi ku Yahova navoora, “Nyara kokolera ki avandu yava? Vaveeye ahimbi kundasa na magina.”

Livalidza 12:5

Maku Yahova yaloleka kuvo mu lifwana liu munara gwi lilesi, ma nasingira ha vwingiliru vwi Lihema. Yalanga, “Haruni! Miriamu!” Vombi vazia imbiri wa Yahova.

Livalidza 14:10

Navuzwa vandu vosi vavolerana nivalohiza kuvalasa na magina nukuvita. Nonoho avandu valora uvukumi vwa Yahova vong'ereng'anaa ku Lihema.

Livalidza 14:5

Maku Musa na Haruni vinama hasi imbiri wa vandu vosi va Isiraeli.

Livalidza 16:19

Maku Kora yavuganyia vandu vosi harara, kandi vasingira imbiri wa Musa na Haruni ha vwingiliru vwi Lihema. Nonoho uvukumi vwa Yahova vwaloleka ku vandu vosi.

Livalidza 16:22

Navuzwa Musa na Haruni vinama vweni vwavo nivudiira kumalova nivavoora, “O, Nyasaye, Ivi oveeye vutangiliru vwi livamwoyo lia vandu vosi. Lwu mundu mulala akolaa uvwoni, ulava nu vutima na vandu vosi?”

Livalidza 16:4

Lwa Musa yahulira yaga, yagwa hasi mamumama nasaara,

Livalidza 16:42

Lwa vaali ni vakivungikizana kugaya Musa na Haruni, viikivuka nivahenza wi Lihema lia Yahova liali na valora lilesi lifuumi lihema kandi valora vukumi vwaloleka kumanyia ndi Yahova yaali naveeye ho.

Livalidza 16:45

“Singira ihale kutura ku vandu yava, na ndavadiviza lwene yilu!” Vombi vinama hasi, nu vweni vwavo vwaduuka kumalova,

Livalidza 20:7

Yahova yavolera Musa,

Matayo 26:39

Yisunda hambiri hakekeke, naagwa hasi mam'mama nasaara navoora, “Baba wange, ni ganyalika, tuliza ekekombe chu vusaliri yiki ku inzi! Navuzwa gatava aguvulaliri vwange, nitali gave kuli ivi wenyaa.”

Joshua 7:6

Joshua harara na viimiliri va Isiraeli vatandula zinguvu ziavo mu vovereri, nivagwa hasi mamumama imbiri wi Lisandugu lie Lilagana, nivava ho kuduuka hamugorova, niviiyuhiyi uluguchi ku mitwi jaavo kumanyia ovovereri.