Livalidza 20:5 - KITABU KITAKATIFU

⁵ Kigira ki wakutuliza Egebeti kukuleta mukivala cho vudinyu hi kindu kitamela? Hataveeye no vuswage, ni mizabibu na makuyu, kali hataveeye na mazi gu kunwa!”

Livalidza 20:5 ပူးပေါင်းရင်းမြစ်များ

Nehemia 9:21

Yee, wavalinda vulahi mu changalangwi ku mihiga arubaini, na sivagehera kindu kali kilala mba zinguvu ziavo siziakunguha mba na vilenge viavo siviavimba mba.

Jeremia 2:2

“Nzie kulandiza ku avandu va Jerusalemi amakuva yaga ndi: Inzi nzizuliza kuli mwaali avasuuvirifu lwa mwaali ni mukikiri avasoleri, kandi kuli mwaali nimwanyaanza lwa kwali harara nikwakaletana mulitanga; mwanonda kuvitira mu changalangwi, kuvitiramu kivala kitatagwa mu uvuguza.

Jeremia 2:6

Si vahenda mwoyo kigira inzi mba, kali niiva ndavasoola kutura Egebeti kandi nimbimilira kuvitira mwigendanyama: kivala chumu kandi chu vuhimwa, kivala chumu chu mundu atanyala kuvitira mu mba kandi cha avandu vatanyala komenya mu mba.

Ezekieli 20:36

Kalunu ndamukalagira kuli ndakalagira avaguuga vinyu muchangalangwe cha Sinai,” Yahova Wuvunyali avoora.

Livalidza 16:14

Ivi siokoleeti mu kivala kigunamu noho kuhaana milimi kandi vizabibu kukunyi kuli miandu jitu mba. Kalunu ivi ogerizaa kukugaada sikulaza mba!”

Livalidza 20:24

“Haruni sialazia kwingira mu kivala cha ndalaga vandu va Isiraeli mba; azizaa kukuza kigira munyi vombi mwibaara ku malago gange ha Meriba.

Livalidza 27:14

kigira munyi vombi mwahing'ana na malago gange mwigendanyama lia Zini. Lwa vandu vosi vililira ku inzi ha Meriba, mwasuura kuvugilira zinguru ziange zindakatifu imbiri wavo.” Meriba ni kisinukiru cha mazi ha Kadeshi mwigendanyama lia Zini.

Kwidzulitsa 8:15

Yamwimilira kuvitira muchangalangwe kenene kandi chukutiihiza, mwizinzoka ni izing'e ziuvusungu vululu ziali. Mu kivala chumu gada, kandi ikitaveeye mu na mazi, yalomba amazi nigidoloka kutura mu lwanda ludinyu kigira munyi.