Livalidza 20:21 - KITABU KITAKATIFU

²¹ Kigira vandu va Edomu sivavugilira vandu va Isiraeli kuvitira mu kivala chavo mba, vandu va Isiraeli vagirung'ana nivavitira munzira yindi.

Livalidza 20:21 ပူးပေါင်းရင်းမြစ်များ

2 Kyetsinyinga 20:10

“Na kalunu, avandu va Amoni, Moabu na Edomu vamali kukwingilira. Lwa vaguuga viitu vaza kutura mu Egebeti, si wavavugilira kwingira muvivala yivio, na ndio, avaguuga viitu vavavodong'ana zimbega ziosi na sivavadiviza mba.

Livalidza 21:23

Navuzwa Sihoni siyavugilira vandu va Isiraeli kuvitira mukivala chichie mba. Yavungiza vandu vi liihi lilie ni vazia Jahazi mwigendanyama ni vingilira vandu va Isiraeli.

Livalidza 21:4

Avandu va Isiraeli vaatura mu kiguru cha Hori kuvitira kunzira yazizaa mukisulu cha Akaba, kunangwa vaduuki kovodong'ana mu kivala cha Edomu. Navuzwa vandu vaakuza mioyo kigira ologendo.

Kwidzulitsa 2:27

‘Kohe munwa kuvitiri mu kivala chicho. Kulavitira mu vulungi, na sikulaleka inzira mba.

Kwidzulitsa 2:29

kuduuka lwa kwambuka mugera gwa Jorodani kuzia mu kivala cha Yahova Nyasaye wiitu akohezaa. Visukululwi via Esau viamenyaa mu Edomu kandi avandu va Moabu avamenyaa mu Ari vakuvugilira kuvitira mu kivala chavo.’

Kwidzulitsa 23:7

“Mutalegerizi vandu va Edomu mba. Vaveeye aviiko vinyu. Mutachaaya vandu va Egebeti mba, kigira mwamenya kuli avageni mu kivala chavo.

Vakalagi 11:17

Maku vaatuma avatumwa ku mwami wa Edomu nivamuteeva avavuguliri kuvitira mu kivala chiche. Navuzwa umwami wa Edomu yasura kuvavitiza. Kandi vateva umwami wa Moabu avavugiliri kuvitira mu kivala chiche. Navuzwa umwami wa Edomu yasura kuvavitiza. Kandi vateva umwami wa Moabu avavugiliri vavitiri mu kivala chiche nasuura. Avandu va Isiraeli vamenya ha Kadeshi.

Vakalagi 11:18

Maku vazizagilira nivavitira mwigendanyama kovodong'ana ikivala cha Edomu kandi ikivala cha Moabu, kuduuka lwa vaza kolovega lwivugwi lwa Moabu, kolovega Lundi lwu Mugera gwa Arinoni. Valomba hokososo navuzwa sivambuka mba.

Vakalagi 11:24

Wenyaa wilane kogeliza kuvugura ikivala chene yiki? Unyala kuva ni vindu viosi viu munyasaye woovo. Chemoshi amali kuhaana ku ivi. Navuzwa kunyi kulava ni vindu vietu via Yahova, Nyasaye wiitu umali kukuha.