Livalidza 19:16 - KITABU KITAKATIFU

¹⁶ Niiva mundu aladiira ku mundu umali kwitwa noho umali kukuza kuziiyi likuza lia kazozo, anoho mundu udiira ku vigumba vyo mundu wakuza anoho kudiira ku kilindwa, alava mudamanu ku madiku saba.

Livalidza 19:16 ပူးပေါင်းရင်းမြစ်များ

Isaya 52:11

Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Ezekieli 44:26

Inyima wu musaalisi amali kweyonogonyia, gamuduukira alindi ku madiku saba,

Kyavalevi 21:1

Yahova yavolera Musa avolere avasaalisi, avandu vinyumba ya Haruni ndi: “Umusaalisi woosi ateyonogonyia mwene kigira vakuzu vaveeye hagati ha avandu vaavo mba,

Livalidza 19:11

Mundu woosi udiira ku mukuzu alava mudamanu ku lwa madiku saba.

Livalidza 19:15

Vuli kiju keveeye mulihema kitaveeye ne kikuniku kilava kidamanu.

Livalidza 31:19

Kalunu kuvoosi umali kwita mundu naho wadira ku mukuzu, gamuduukira ave ichova wa hokososa ku madiku saba. Kulidiku lia kavaga nu kulidiku lia saba, mwitakase harara na vakali vamwagumila.

Livalidza 5:2

“Volera avandu va Isiraeli vakungi vuli mundu woosi oveeye nu vulwaye vwo vogere vatuli hokososa. Vakungi kali vuli mundu woosi oveeye ni liguli anoho vuli mundu woosi oveeye mudamanu kigira udiiyi ku muviri mukuzu.

Livalidza 6:6

Madiku goosi lwaveeye mutakatifu ku Yahova, si alisunda himbi ku muviri mukuzu mba.

Livalidza 9:6

Vaaliho avasaza valala avaari niveyononyi kigira vaali nivadiiri ku miviri mikuzu. Kulwayago, si vaali vanyara kusangalira lizuliza lie Lipasaka ku ing'inga yalagwa mba. Kunangwa vazia ku Musa na Haruni

Matayo 23:27

“O, vayaye kilaamo kenene keveeye ku munyi avigizi vi Lilaga na Avafarisayo! Avagaadi munyi! Muveeye kuli vilindwa vivakiywi ichoka, vifanaa vulahi kwigulu, navuzwa mugati vizuyi vigumba kandi uvugundu vwi miviri ja vakuzu ijiguundaa.

Luka 11:44

O, vayaye, kilaamo keveeye ku munyi! Kigira muveeye kuli vilindwa viaviswa via avandu vagenda ku vugira kumanya.”