Livalidza 19:13 - KITABU KITAKATIFU

¹³ Uyu udiira ku mukuzu ma avuli kwitakasa alava mudamanu, kigira akikiri kwuhilwa mazi go kwitakasa. Uyu wononyia Lihema lia Yahova sialavalizwa kuva mulala ku vandu va Nyasaye mba.

Livalidza 19:13 ပူးပေါင်းရင်းမြစ်များ

Kutwula 30:33

Mundu woosi olomba maguta kuli yaga, anoho utumikira maguta yaga ku mundu woosi utaveeye musaalisi, sialavalizwa kuva mulala ku avandu vange mba.’ ”

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Ezekieli 44:26

Inyima wu musaalisi amali kweyonogonyia, gamuduukira alindi ku madiku saba,

Kyavalevi 15:31

Yahova yavolera Musa yiganihizi avana va Isiraeli ku vudamanu vwavo; kunangwa vavuli kwonogonyia Lihema lilie liukuvuganira mu, liali hagati haavo. Nivakakoli ndio vaali valitwa.

Kyavalevi 20:3

Niiva mundu woosi ahaanaa mulala ku avana veve ku Moleki no kolomba Lihema liange litakatifu kuva lidamanu no kuhaana zisoni ku lieta liange Litakatifu, ndamuleka kandi sindamuvaliza kuva mulala ku avandu vange mba.

Kyavalevi 22:3

Ku makura gaaza, niiva mulala ku visukululwi vienyu viosi vilisunda himbi ku vihaanwa ivitakatifu via avandu va Isiraeli vaviika halovega kigira inzi, naveeye mudamanu kolondekana nu muruka gwi dini, umundu oyo sialatumikaku kandi ku vwali mba. Inzi mbeeye Yahova.

Kyavalevi 22:4

“Mundu woosi wi kisukururwi cha Haruni oveeye novogere, anoho oveeye ni kisununu, ataliaku vihaanwa vitakatifu mba, kuduuka lwava mulahi. Mundu woosi, musaalisi, oveeye mudamanu aveeye mudamanu niiva adiira kindu choosi kekoleywe kidamanu nu mukuzu anoho nu umundu woosi weloteeye

Kyavalevi 5:17

Niiva mundu woosi alakola uvwoni nukuvunaga lilala ku malago ga Yahova yalaga vugira kusaavira, aveeye nilihiolo, na kuduuka ahaane mutungu gwu kuvunanyia lilago.

Kyavalevi 5:3

Niiva mundu woosi vugira kumanya adiira ku kindu choosi chu mundu, ekeveeye ikidamanu, kali keveki, aveeye na mahiolo lwa manyiriza cha mali kokora.

Kyavalevi 5:6

kandi mutungu kigira uvwoni vwivwe vwa yakola, kuduuka aleete ku Yahova kememe kisuveni chi ligondi anoho imburi kuli kihanwa chu uvwoni. Musaalisi alahaana kisiuviriru zana yicho kwogiza uvwoni vwu mundu oyo.

Kyavalevi 7:20

Navuzwa mundu woosi utaveeye mulungi nalia kuinyama yi vihaanwa vie mirembe viveeye via Yahova, kuduuka atulizwi hagati havandu veve kigira siavalizwa kuva mundu wa Nyasaye mba.

Kyavalevi 7:21

Kandi niiva mundu woosi adiira kindu kidamanu, anoho nivuva vudamanu vwu mundu, anoho inyama indamanu, anoho kindu choosi kidamanu nichukivihiliriza, ma alie ku inyama yi kihanwa chi mirembe cha Yahova, mundu uyu alatulizwa hagati ha vandu veve kandi sialavalizwa kuva mundu wa Nyasaye mba.

Livalidza 15:30

Navuzwa mundu woosi naava nasaavira kokora uvwoni, ave mundu wa Isiraeli noho mundu mugeni omenyi hagati haavo, alaloleka kuva onyegi Yahova, kandi aliitwa,

Livalidza 19:14

Niiva mundu akuzila mu lihema, mundu uva naveeye mu ing'inga ye likuza noho mundu wingira mu alava mudamanu ku madiku saba.

Livalidza 19:18

Lwokutanga, mundu musereeze alavugula luvinu, nukulwina mu mazi nu kwuha ku lihema ne vindu viosi viveeye mu, nu ku vandu vaali ni vaveeye mu. Lwa kaviri mundu uveeye musereeze aluhila uyu wadira ku vigumba viu mukuzu anoho muviri mukuzu, anoho kilindwa.

Livalidza 19:19

Ku lidiku lia kavaga nu kulidiku lia saba, mundu oveeye musereeze aluhila mundu oveeye mudamanu mazi. Alatakaswa kulidiku lia saba namali kufuuya zinguvu zizie no kwisundulira mazi, na alava musereeze lwi liuva liyera.

Livalidza 19:20

Mundu uva naveeye mudamanu natitakasi, alava mudamanu kigira mazi gu kwitakasa ga kikiri kusundulwa kuye. Mundu uyu yonogonyia Lihema lia Yahova na sialavalizwa kuva mulala ku vandu va Nyasaye mba.

Livalidza 19:9

Maku umundu uveeye mutakase alavungiza ligoke lie kemoli no kuliviika havundu hatakase ichova wa hokososa, valaviikila vandu va Isiraeli kulitumikira kolombera mazi gu kutuliza uvudamanu. Muluka yigu gokolwaa kigira kutuliza vwoni.

Livalidza 8:7

Okole yaga kuvatakasa: Uvuhili amazi gu kutakasa na uvavoolere vavege miviri jaavo josi, vafuyi zinguvu ziavo ziosi ma vitakase aveene.

Livalidza 9:13

Navuzwa mundu woosi oveeye mulahi kandi utaveeye ihale mu logendo, kandi uvula kusangalira Lipasaka, sialava mulala ku vandu vange mba, kigira si yahaana vihaanwa ku inzi ku ing'inga yalagwa mba. Mundu uyu alagiinga uvwoni vwivwe umwene.

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:11

Leka oyo okolaa vudamanu ameede kokora vudamanu ligali. Leka oyo oveeye ni kivihiri ameede kokora kivihiri. Leka oyo okolaa vulahi ameede kokora vulahi. Leka oyo oveeye mutakatifu ameede kuva mutakatifu.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.