Livalidza 18:7 - KITABU KITAKATIFU

⁷ Navuzwa ivi harara na vayaayi vovo venyine mulatwekiza uvutumiki vwosi vwu vusaalisi ovolondekanaa nu vwali kandi ovoveeye havundu Hatakatifu ligali. Vindu yivi viveeye miyinzi jijo kigira mali kukuha kihanwa chu vusaalisi. Mundu woosi utaduukanaa, kwisunda ahimbi ni viju vitakatifu aliitwa.”

Livalidza 18:7 ပူးပေါင်းရင်းမြစ်များ

Zaburi 115:10

O, munyi vasaalisi va Nyasaye, musuuviri mu Yahova. Amukonyaa kandi amukingaa.

Kutwula 28:1

“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi.

Kutwula 29:9

imisibi mu visindi viavo kandi zikofia ku mitwi jaavo. Nindio gakuduukiraa uviiki utakase Haruni na vayaayi veve. Yavo harara ni visukululwi viavo valandumikira kuli avasaalisi mihiga ni mihiga.

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Ezekieli 44:16

Yava nivo avingiraa mu Litembeli liange nukutumika ku vwali vwange, kandi valasigamira mu Litembeli.

Ezekieli 44:8

Sivalinda vindu viange vitakatifu mu Litembeli liange mba, navuzwa muvogono yivwo, vaavugura vandu vageni nivavaviika mu vunyali vwu kulinda vindu viange vitakatifu mu Litembeli.

Kyavalevi 16:2

Yahova yavolera Musa, “Volera amwavo woovo Haruni ndi ni ku ing'inga idukanaa iyanyala kwingira inyima wi isuuka ikingaa havundu hatakatifu ligali, kigira niho ha inzi ndolekaa mu malesi igulu wi kikuniku keveeye ku Lisandugu lia malago; niiva sialahulira mba, aliitwa.

Kyavalevi 7:35

Yiki nicho kedonye chi chukulia kihanwa ku Yahova chaali chahaanwa ku Haruni harara na vayaayi veve ku lidiku lia vavakwa maguta, vatumikiri Yahova kuli avasaalisi.

Livalidza 1:51

Lwa mwisunda havundu handi avandu vi hiiri ya Levi valasambula lihema ma valigingi kuhila havundu hoosi hamuzia hahia, valiumbake kandi. Mundu woosi uzia himbi ni lihema yili aliitwa.

Livalidza 16:40

Yaga gaali lieganihiza ku vandu va Isiraeli ndi mundu woosi utaveeye wi chisukululwi cha Haruni atiisunda himbi kuvwaali nu kusambira Yahova kimuli mba. Niiva alakola ndio aladivizwa kuli Kora na vandu veve. Yaga goosi gekoleka kuli Yahova yaali nalagi Elieza kuvitira ku Musa.

Livalidza 18:20

Yahova yavolera Haruni, “Siulanyora ku miandu ja wenyekaa uvuguli give jijo mba, kandi sikeveeye ho ne kedonye chu mulimi mu kivala cha Isiraeli cha onyoora mba. Inzi mbeeye Yahova, mbeeye viosi viawenyaa.”

Livalidza 18:3

Gavadukiraa kutwekiza minyinzi jaavo ku ivi kandi uvutumiki vwavo mu lihema, navuzwa sigavaduukira kudiira ku viju vitakatifu havundu Hatakatifu mba noho kwisunda himbi nu vwali mba. Ni vakora ndio vombi harara nivi mulitwa.

Livalidza 3:10

Ivi ulatovola Haruni harara na vayaayi veve kokora miyinzi juvusaalisi; wundi mundu woosi ogeliza kokora miyinzi yiji aliitwa.”

Livalidza 3:38

Musa na Haruni harara na vana veve, vumbaka hokososa haavo kolovega lwi Ivugwi, imbiri wi Lihema. Vasingilira miyinzi jakolelwa Havundu Hatakatifu kulwa vandu va Isiraeli. Mundu woosi waza ahimbi na Havundu Hatakatifu yitwa.

Matayo 10:8

Muhonyie avalwaye, mu simugukizi avakuzu, mutakase avagere, mukungi amademoni. Muheveywi vuzwa, na munyi muhaane vuzwa.

Yohana 3:27

Yohana yavavolera, “Mundu sianyala kuva ni kindu nataheeveywi na Nyasaye mba.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Kwidzulitsa 18:2

Vatava nimiandu ji milimi kuli zihiiri zindi mba. Kidieli chavo keveeye uvugasu vwu kuva avasaalisi va Yahova, kuli Yahova yavasuuviriza.

Vahebraina 5:4

Sihaveeyeho nu mundu wivuguliraa umwene luyali lwu kuva musaalisi munene mba. Samulala gamudukira Nyasaye amutovole kuli yatovola Haruni.

Joshua 18:7

Avandu vihiiri ya Levi sivalanyora kedonye chi kivala chavo harara ni munyi mba; kigira kidieli chavo keveeye kutumika kuli avasaalisi va Yahova. Kandi zihiiri zia Rubeni, Gadi na Manase vi Ivugwi vamala yavokonyoora kivala chavo Ivugwi wa Jorodani; icha Musa, Mutumikiri wa Yahova, yavaha.”

1 Petro 5:2

Mugoonyaa ligali, mwaaye ichayo cha Nyasaye yamuha kulinda kandi mukindu nu vwihaani. Gatava ku linigwa, navuzwa ku mwoyo gwu vuyanzi kuli uvulariri vwa Nyasaye; Gatava kigira linyola mitungu, navuzwa mukore nu mwoyo gwu vwihaani.

1 Petro 5:3

Mutagerizi kwamiiha kandi gatava kuli mwekora avanene vamulinda mba, navuzwa muve kelolero chi ichayo.

1 Samweli 2:28

Ndatovora avinyumba yeeye kuva vasaalisi vange, kutura mu zihiiri ziosi zia Isiraeli, kutumika ha vwali, kusaamba kimuli kandi kwivika kisibaho imbiri wange ukwenya zing'anagani kutura ku inzi. Kandi ndavaha uvunyali vwu kuvugura kedonye chi visiuviliru viukusambwa ku vwali.