Livalidza 18:5 - KITABU KITAKATIFU

⁵ Ivi na vayaayi vovo venyine gamuduukira mutwekizi uvutumiki vwa havundu Hatakatifu kandi ku vwali kunangwa vutima vwange vuvuli kwirana ku vandu va Isiraeli.

Livalidza 18:5 ပူးပေါင်းရင်းမြစ်များ

1 Kyetsinyinga 23:24

Yava vaali visukululwi va Levi, ku viliango ni zinyumba, sa mulala yang'odwa kolondekana na mita gaavo. Sa mulala ku visukululwi vivie, uwaali ni mihiga silini kuzia imbiri, yatumika ku miyinzi jakolwa mu Litembeli lia Yahova.

1 Kyetsinyinga 23:32

Vahevwa miyinzi ju kusingilira nu kulinda Lihema liu kuvuganira mu na Yahova kandi Litembeli, kandi ji likonyelera aviiko vaavo, avasaalisi, avaveeye visukululwi via Haruni, mu lisigamira liu mu Litembeli.

1 Kyetsinyinga 24:5

Kigira vaali ho avanene vi Litembeli kandi aviimiliri vu mu roho hagati hi visukululwi vombi, via Elieza na Izamara, ligavulwa liakoleka ku likuba zikuura.

1 Kyetsinyinga 9:19

Shalumu, muyaayi wa Kore na umwisukulu wa Ebiasafu, harara na avandu veve vi ihiiri ya Kora, yaali nu vunyali vwu kulinda vwingiliru vwi Lihema lia Yahova, kuli avaguuga vaavo vaali avasingiliri vo hokososa ha Yahova.

1 Kyetsinyinga 9:23

Vandu yava harara ni visukululwi vaavo vazizagilira kulinda virivwa vie Litembeli lia Yahova.

1 Kyetsinyinga 9:33

Vandu vandi vi zinyumba zia Levi vasingilira liemba zinyimbu mu Litembeli. Avanene vi zinyumba yizi vamenya mu zinyumba zindala zie Litembeli na vaali avavoholore ku miyinzi gindi, kigira vaali ku miyinzi mbasu nu vudiku.

Kutwula 27:21

Haruni na vayaayi veve valahambiza itaya mu Lihema liukuvuganira mu ichova winguvu yukukinga eveeye imbiri wi lisandugu lie lilagana. Ahene yaho, imbiri wange iladuuka kutura hamugorova kuduuka mugambazuri. Lilaga yili lilakolwa na avandu va Isiraeli nivisukululwi viavo mihiga ni mihiga.

Jeremia 23:15

“Kunangwa, yaga nigo aga inzi, Yahova Wuvunyali, mboraa kigira vaporofeti va Jerusalemi: inzi ndavaha vitagwa vilulu valie kandi isumu vanwi, kigira vamali kulandiza agataveeye guvulungi mukivala choosi.”

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Ezekieli 44:16

Yava nivo avingiraa mu Litembeli liange nukutumika ku vwali vwange, kandi valasigamira mu Litembeli.

Kyavalevi 10:6

Maku Musa yavolera Haruni na vayaayi veve vandi Elieza na Izamara, “Mutaleki liisu lienyu livuli kusanulwa mba, kandi mutatanduli zinguvu zienyu kumanyia ndi musiomaa mba. Nimukora ndio, mulakuza, na Yahova alava nu vutima na avandu va Isiraeli vosi. Navutswa avache vinyu avandu va Isiraeli vosi, vanyara kusiomera yavo vosi va Yahova yasamba nu muliru gwa yatuma.

Kyavalevi 24:3

Vuli hamugorova, Haruni alazihambiza nukuzilomba ziake kuduuka vuchi imbiri Yahova ichova wi isuka yukukinga imbiri wi Lisandugu lie Lilagana, liveeye havundu ahatakatifu ligali. Lilaga yili lilalondwa muzing'inga ziosi izizaa ku visukululwi vienyu.

Zekaria 10:3

Yahova avoora, “Mbeeye nu vutima na vageni vamiiha vandu vange kandi nziza kuvaha mageri. Avandu vi Ivuyuda vaveeye vandu vange, kandi inzi Yahova Wuvunyali ndakavalindi. Valakave kuli zibarasi ziange zie liihi zie zinguru.

Livalidza 1:50

Havogono hene yaho, otovole ihiiri ya vandu va Levi vasingiliri Lihema liange harara ni viju vialio. Valaginga lihema yili harara ni viju vialio, vatumiki mulio, kandi vumbake havundu hokososera kundulu kwa lio.

Livalidza 1:53

Avandu vi ihiiri ya Levi valumbaka havundu hokososera haavo kukumberiza lihema nukulilinda, kunangwa uvutima vwange vuvuli kuduuka ku livugana lia vandu va Isiraeli.”

Livalidza 16:46

Musa yavolera Haruni, “Vugula zinju zizio ma uviiki ku manda mahiu kutura ku vwali kandi uviiki kimuli ku manda maku uzie vwangu nago mu vandu va Isiraeli ma uvakolere mwima gwu kwitakasa. Zia vwangu! Vutima vwa Yahova vumali koleta lidivizwa nu vulwaye vudamanu vumali kutanga.”

Livalidza 18:4

Gavadukiraa vayinziri harara nivi kandi vatwekizi uvutumiki vwi miyinzi josi mu lihema, navuzwa umundu utaduukanaa sialayinzila nivi mba.

Livalidza 4:18

“Mutaleka ihiiri ya vandu va Kohazi vadivizwi kutura ku vandu va Levi mba.

Livalidza 8:19

Mali kuhaana ihiiri ya vandu va Levi vave kuli kihanwa ku Haruni harara na vayaayi veve hagati ha vandu va Isiraeli. Valakola miyinzi mu Lihema havogono vwa vandu va Isiraeli, valakinga vandu va Isiraeli kutura ku kivi choosi chu vulwaye vudamanu ligali, niiva valisunda himbi na havundu Hatakatifu.”

Livalidza 8:2

“Ovoolere Haruni ndi, lwa aviikaa zitaya 7 ku kinaara, azilohizi kunangwa uvulavu vwazio vuduuki kwaka imbiri wi kinaara.”