Livalidza 18:32 - KITABU KITAKATIFU

³² Munyi simulava na mahiolo lwa muvilia mba, niiva mulava ni muhaani vihaanwa vilahi ku Yahova. Navuzwa mulole ndi muvuli kwonogonyia vihaanwa vitakatifu via vandu va Isiraeli mulilia ku vihaanwa yivi ni mukikiri kuhaana kedonye chi vihaanwa vilahi ligali. Niiva mulakola ndio, munyi muliitwa.”

Livalidza 18:32 ပူးပေါင်းရင်းမြစ်များ

Kutwula 28:43

Haruni na vayaayi veve kuduuka viviiki zisuruhali yizi kazozo lwa vazizaa mu Lihema liu kuvuganira mu, anoho lwa visunda ahimbi ku vwali kutumika kuli avasaalisi Havundu Hatakatifu, kunangwa vavuli kwitwa kigira kuva ni chahonyo. Yili liveeye lilago liukuhindira ku Haruni kandi visukululwi vivie.

Kyavalevi 19:8

Mundu woosi ulia ku, alava muhioli na alahevwa mageri kigira wononyi chaviikwa halovega kigira Inzi, Yahova. Mundu oyo sialavalizwa kuva mulala ku avandu vange mba.

Kyavalevi 22:2

volera Haruni na avana veve vayaayi, “Muhaane luyali ku vihaanwa ivitakatifu via avandu va Isiraeli vaviika halovega kigira Inzi, kunangwa vavuli kwonogonyia lieta liange litakatifu inzi mbeeye Yahova.

Malaki 1:7

Munyi munjayaa kuli ndi; muhaana ku vwali vwange viukulia vioneka. Maku muteeva, ‘Kunyi sikuhaana ndi kuhaana luyali ku ivi?’ Inzi ndamuvolera, mukoraa ndio mu lichaya vwali vwange.

Livalidza 18:22

Avandu va Isiraeli vandi gavadukiraa vavuli kwisunda himbi ni lihema kandi muinzila yiyi valeletera madanyi ge likuza.

Livalidza 18:31

Ivi harara na vinyumba yooyo munyala kulira ivitigaye havundu hoosi, kigira viveeye mitungu jinyu kumiyinzi ja mukoraa mu lihema.

Livalidza 19:1

Yahova yalaga Musa na Haruni,

1 Vakorintho 11:27

Kandi galava ndi, ku vosi ulia mugadi yigu anoho unwa kekombe chu Mwami munzira itaveeye nuluyali kuye, alava ni lihiolo liu kwononyia umuviri na masahi gu Mwami.

1 Vakorintho 11:29

Ku vosi uliizaa mugadi nu kunwa kutura mu kekombe natamanyiriza kivuni chu muviri gwu Mwami, yeleeteraa likalagirwa kuye mwene.