Livalidza 18:21 - KITABU KITAKATIFU

²¹ Yahova yavoola, “Mali kuhaana ku vandu va Levi kidieli chi likomi chi vindu viosi via vandu va Isiraeli valeta ku inzi. Yiji nijo mitungu jaavo ku miyinzi javalindilaa Lihema liange liu kuvuganiramu.

Livalidza 18:21 ပူးပေါင်းရင်းမြစ်များ

Litanga 14:20

Nyasaye oveeye igulu ligali uwa kokoraa nuguuta avasigu vovo yizominywe!” Aburamu yahaana ku Melikizedeki kidieli chi likomi ku viranye viosi viayaali niyiranyi.

Litanga 47:24

Ku ing'inga yiligesa kuduuka muhaane kidieli kilala kitulaa ku vitano ku mwami. Vitigaye vidieli vine kutura ku vitano munyara kutumikira ku vuguza Nu kuviukulia vienyu aveene kandi na vinyumba yinyu.”

Litanga 47:26

Kunangwa Josefu yaalikola ligwa lilaga mukivala cha Egebeti ndi kidieli kilala kutura ku vitano chi ligesa kilava chu mwami. Lilaga yili likili nizinguru kuduuka kalunu. Milimi ja vasaalisi jeng'ine nijo javuula kugwa imiandu ju mwami mba.

2 Kyetsinyinga 31:12

Vavugura vindu viahaanwa: Zizaka ni vindu viatakaswa nivavika mu nu vusuuvirifu. Konani mundu mu Levi munene yavikwa kuva mulindi wi vindu yivi, na Shimei amwavo weve yaali wa 2 kuye mukonyeleri weve.

Nehemia 10:29

kuhambanaa, na aviimiliri viitu mu liesuuha kandi isi wi linyola mageri gi kilaamo niiva kulavunaga liesuuha lietu, ndi kulamenya kolondekana ni Lilaga lia Nyasaye, lia yakuha ku Mutumikiri weve Musa; ndi kulahulira goosi aga Yahova, Nyasaye wiitu, akulagaa kokole, ma kandi malago geege goosi kandi nilienya lilie liosi.

Nehemia 10:37

Kulahilira Avasaalisi mu Litembeli viukulia viuvusi vialombwa kutura ku vuswage vwageswa kutanga vuli muhiga, kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu. Kulahilira avandi va Levi, avavungizaa izaka mu tudaala twiitu twu vulimi, izaka kutura ku viukulia vietu ivimelaa mu kivala chietu.

Nehemia 10:38

Avasaalisi vaveeye kisukururwi cha Haruni valava harara na va Levi lwa zizaka zivungizwa, kigira litumikirwa mu Litembeli, vandu va Levi valahila mu mavikiru kidieli chi likomi chi zizaka ziosi zia vavungiza.

Nehemia 12:44

Mu ing'inga yeyo, avasaza vaatovolwa kusingilira ving'oze via mavikiru, gu uvwihaani vwi Litembeli vwaviikwa; harara ni zizaka, uvuswage vwukutanga, na makuyu gukutanga kwenga vuli muhiga. Kutura mu milimi jaali ahimbi na madaala, gavadukiraa valeete mu mavikiru gi zinyumba zie Litembeli vidieli vienyangwa ku Lilaga, avasaalisi na va Levi vahevwe, kigira avandu vosi va Ivuyuda vayanzizwa na vasaalisi kandi na vandu va Levi.

Nehemia 12:47

Mu ing'inga ya Zerubabeli, kandi mu ing'inga ya Nehemia, avandu vosi va Isiraeli vaahana vihaanwa vuli lidiku kigira likonyelera lia avimbi vu Mulitembeli, kandi na avasikari vukulinda Litembeli. Avandu vaahana kihanwa kitakatifu ku avandu va Levi, na vandu va Levi navo vahaana kedonye chenyekaa ku Avasaalisi.

Nehemia 13:12

Maku avandu va Ivuyuda vosi vatangakoleta zizaka ziavo ziu vuswage, zie iwaini, na maguta ga muzeituni mu ving'oze via mavikiru.

Nehemia 13:5

Yavugilira Tobia atumikiri keng'oze kenene ichatumikiraa maziambiri ku livikwa mu vihaanwa viu vuswage kandi kimuli, iviju viatumikaa mu Litembeli, vihaanwa via avasaalisi, izaka yuvuswage, iwaini kandi maguta ga muzeituni agahevwa vandu va Levi, avimbi vu mu Litembeli, kandi avalindi vi virivwa vie Litembeli.

Malaki 2:4

Maku mulamanya ndi inzi mali kuhaana malago yaga ku munyi kunangwa lilagana liange na vasaalisi, visukululwi via Levi, lilavuli kuvunagwa.

Malaki 3:10

Muleete kidieli chiinyu choosi chi likomi mu Litembeli, kunangwa litembeli live ni viukulia vinyingi. Mungerizi na inzi ndigula madirisha gu mwigulu kandi ndahaana vugasu vwi vindu vilahi vinyingi vie zing'ano ziosi kumunyi.

Livalidza 18:6

Inzi niye umali kotovola aviiko vovo ihiiri ya Levi, kutura mu vandu va Isiraeli vave kuli kihanwa ku ivi. Vatakaswa kigira inzi kunangwa vaduuki kokora miyinzi mu lihema.

Livalidza 3:6

“Oleete avandu vi ihiiri ya Levi ma uvatovole kuva kuli avatumikiri vu musaalisi Haruni.

Livalidza 31:28

Kutura ku kedonye cha vandu vu vulwani, muviikiri Yahova vusuuru, muvuguli muhambe mulala kutura ku vahambe 500, kandi kutura ku zing'ombe, zibunda, magondi kandi zimburi.

Vagalatia 6:6

Mundu wigizwa likuva liu Vukristayo kuduuka asaange ku vindu viosi vilahi viaveeye navio nu mwigizi weve.

Kwidzulitsa 18:8

Kuduuka anyoore kidieli kilala chere chi chukulia kuli avasaalisi vandi na anyala kuviika choosi cha vandu vinyumba yeeye vamutumira.

Vahebraina 7:5

Yava avaatura ku kisukururwi cha Levi, avaveeye vasaalisi, valagwa ni Lilaga kuvugura kidieli chi likomi kutura ku vandu va Isiraeli, agaveeye kovora, kutura ku vandu vaavo vene; kali niiva avandu vaavo vene vaatura ku kisukururwi cha Aburahamu.