Livalidza 18:20 - KITABU KITAKATIFU

²⁰ Yahova yavolera Haruni, “Siulanyora ku miandu ja wenyekaa uvuguli give jijo mba, kandi sikeveeye ho ne kedonye chu mulimi mu kivala cha Isiraeli cha onyoora mba. Inzi mbeeye Yahova, mbeeye viosi viawenyaa.”

Livalidza 18:20 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Zaburi 142:5

O, Yahova, inzi nzanira ku ivi ongonye, ivi oveeye mukingi wange, ivi niyie weng'ine wanyenyaa mu limenya liange.

Zaburi 16:5

Ivi O, Yahova, niyie wambeeye naye weng'ine ombeezaa viosi via nyenya; livamwoyo liange lia madiku gaaza liveeye mu makono googo.

Zaburi 73:26

Zing'anagani ziange nu muviri gwange vinyala kuva videdekere, navuzwa Nyasaye aveeye zinguru ziange, niyie weng'ine wa inzi nyenya mihiga ni mihiga.

Lisyoma lya Jeremia 3:24

Inzi mwene mboraa, Yahova aveeye kidieli change kunangwa ndaasuuvira muye.

Ezekieli 44:28

“Avasaalisi sivalanyora miandu mba, Inzi ndava miandu jaavo. Utavaha uvutugi mu kivala cha Isiraeli mba, Inzi ndava uvutugi vwavo.

Livalidza 18:7

Navuzwa ivi harara na vayaayi vovo venyine mulatwekiza uvutumiki vwosi vwu vusaalisi ovolondekanaa nu vwali kandi ovoveeye havundu Hatakatifu ligali. Vindu yivi viveeye miyinzi jijo kigira mali kukuha kihanwa chu vusaalisi. Mundu woosi utaduukanaa, kwisunda ahimbi ni viju vitakatifu aliitwa.”

Livalidza 26:62

Avayaayi va Levi kutura ku mweli mulala kuzizagila vaali 23,000 vang'odwa halovega kutura ku vandu va Isiraeli kigira sivanyoola ku miandu josi mu Isiraeli mba.

Kwidzulitsa 10:9

Yiki nicho chagira ihiiri ya Levi yoosi nivavula konyoora kidieli mu kivala kuva miandu jaavo kuli zihiiri zindi zia Isiraeli vanyoola. Icha vanyoola chaali uvwiyangu vwu kuva avasaalisi va Yahova, kuli Yahova Nyasaye winyu yasuuviriza.)

Kwidzulitsa 12:12

Musangaliri uwene yeyo imbiri wa Yahova Nyasaye, munyi harara na avana vinyu vayaayi na vakana, avatumikiri vinyu vasaza na vakali, kandi vandu vinyumba ya Levi sivalava ni milimi jaavo aveene mba.

Kwidzulitsa 14:27

“Mutiviliri vandu vinyumba ya Levi avamenyaa mu madaala ginyu mba. Sivaveeye nikidieli anoho nimiandu jaavo aveene mba.

Kwidzulitsa 14:29

Chukulia yiki keveeye cha vandu vinyumba ya Levi vosi, kigira sivaveeye ni kidieli anoho miandu jaavo aveene mba, kandi cha avageni, avavisandu, kandi avakunzakali avamenyi mu madaala ginyu. Kuduuka vaze vavuguli choosi cha venya. Mukore ndio, na Yahova Nyasaye winyu aduuki kumugaasiza mu viosi via mukora.

Joshua 13:14

Musa siyahaana ku kivala choosi ku ihiiri ya Levi mba. Kuli Yahova yaali navoleeye Musa, venyeka vanyoore kedonye chi visiuviliru visambirwa ku vwali ku Yahova, Nyasaye wa Isiraeli kuva miandu jaavo.

Joshua 13:33

Navuzwa Musa siyaahana ku ihiiri ya Levi kivala choosi mba. Yavavolera ndi miandu jaavo jilava vuzwa lisanga kedonye chi vihaanwa viletwaa ku Yahova Nyasaye wa Isiraeli mu Litembeli.

Joshua 14:3

Musa yaali naheeye zihiiri ziviri ni inusu imiandu jaavo ivugwi wa Jorodani, navuzwa siyaali nahaani ku imiandu josi ku ihiiri ya Levi hagati ha ziosi mba.

Joshua 18:7

Avandu vihiiri ya Levi sivalanyora kedonye chi kivala chavo harara ni munyi mba; kigira kidieli chavo keveeye kutumika kuli avasaalisi va Yahova. Kandi zihiiri zia Rubeni, Gadi na Manase vi Ivugwi vamala yavokonyoora kivala chavo Ivugwi wa Jorodani; icha Musa, Mutumikiri wa Yahova, yavaha.”

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.