Livalidza 18:15 - KITABU KITAKATIFU

¹⁵ “Vuli mwana wu kutanga noho umutugu gwukutanga gwa vandu va Isiraeli valeta ku inzi, viveeye vivio. Navuzwa gamuduukira muvugiliri umutungu gwu kugura vuli mwana wukutanga kandi gamuduukira muvugiliri umutungu gwu kugura vuli umutungu gwu kutanga ugutaveeye umutakase.

Livalidza 18:15 ပူးပေါင်းရင်းမြစ်များ

2 Avami 12:5

Vuli musaalisi anyoore mabese kutura ku mulala ku vaviiki, na gatumikirwi kolomba hi litembeli liasasuguka.

Nehemia 10:37

Kulahilira Avasaalisi mu Litembeli viukulia viuvusi vialombwa kutura ku vuswage vwageswa kutanga vuli muhiga, kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu. Kulahilira avandi va Levi, avavungizaa izaka mu tudaala twiitu twu vulimi, izaka kutura ku viukulia vietu ivimelaa mu kivala chietu.

Kutwula 13:15

Lwu mwami wa Egebeti yadinyia mwoyo nasuura kukuleka kuzie, Yahova yita vindu visaza viosi chukutanga kwivulwa mu kivala cha Egebeti, viombi avandu kandi mitugu. Yiki nicho kigira nikuhaana kisiuviriru ku Yahova chu mutugu musaza gwu kutanga kwivulwa, navuzwa ukwirana kugura avana vayaayi viitu avukutanga kwivulwa.

Kutwula 13:2

“Uhaane ku inzi, Yahova vana vayaayi uvukutanga kwivulwa, kandi mitugu jukutanga kwivulwa. Muyaayi woosi wivulwa kutanga mu Egebeti kandi mutugu gwosi musaza gwivulwa kutanga, viosi viveeye viange.”

Kutwula 22:29

“Muhaane kuinzi zisadaka zie ligesa lienyu, lie iwaini yienyu namaguta gamizeituni ginyu lwa muva nimwakagesa. “Muhaane ku inzi avana vayaayi vinyu vukutanga kwivulwa.

Kutwula 34:20

Navuzwa chatanga kwivulwa chisukiri, mulilana kukigula kandi ku lihaana kememe mu vogono vwacho. Niiva simwenya kwirana kukigula muvunanyie ligoti liacho. Mwilane kugura vuli muyaayi watanga kwivulwa. “Hatava ho nu mulala ololekaa imbiri wange nataveeye nikihaanwa mba.

Livalidza 18:16

Lwa vana vava nivaveeye mweli mulala gavadukiraa viirane kugulwa ku mutungu gwi vidonye vitano vie ifeza kolondekana nekegero chu mulihema.

Livalidza 3:13

Kigira avana vukutanga vosi vaveeye avange. Lidiku lia ndiita avana vukutanga vosi mu kivala cha Egebeti, ndatakasa vuli lwivulu lwu kutanga mu Isiraeli kigira inze kandi zinyama; valava avange. Inzi mbeeye Yahova.”

Livalidza 3:46

Kigira vasaza va Isiraeli vukutanga kwivulwa vaavitile vandu va Levi, avandu 273, kuduuka muguli avandu vaveeyeku igulu yava.

Kwidzulitsa 15:19

“Muviikiri Yahova, Nyasaye winyu halovega mitugu jiukutanga kwivulwa josi jive chayo chicho chi zing'ombe kandi cha magondi. Mutaviika mutugu musaza gwukutanga kwivulwa gwi zing'ombe ku miyinzi mba, kandi mutakalaga uvwoya vwu mutugu musaza gwukutanga kwivulwa gwi chayo cha magondi mba.