Livalidza 17:8 - KITABU KITAKATIFU

⁸ Maku lidiku lia londaku lwa Musa yazia mu lihema, yalora imbimbu ya Haruni eveeye muvogono vwi ihiiri ya vandu va Levi yaali ne meri. Imbimbu yiyi yaali niyaavaye, nitulizi kimuli kandi niyaami amakuyu mengu!

Livalidza 17:8 ပူးပေါင်းရင်းမြစ်များ

Litanga 40:10

na gwaali ni zisia zivaga. Nonoho lwa matu gagwo gasivuka, vimuli viagwo vialoleka, kandi makuyu gagwo genga.

Zaburi 110:2

Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Lwimbu lwa Solomoni 2:3

Nindio aveveeye muyanze wange hagati ha vasaza vandi, oveeye kuli musaala gwa makuyu hagati hi misaala ju mulitu. Ndayaanza kwikala mu chiriri chagwo, kandi makuyu gagwo gaveeye amanolu ligali.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Ezekieli 17:24

Misaala josi mu kivala jilamanya ndi Inzi mbeeye Yahova. Inzi ndemaa misaala mitambi kandi ngola misaala mimbi jiviruka kandi jitambiha. Nduminyaa misaala mivisi, kandi ngora misaala miumu kugwa mivisi. Inzi Yahova mali kovora kandi ndakora agaamali kovora ndakora.”

Ezekieli 19:12

Navuzwa gwamanya nigwifwa muvutima vululu, kandi nigusiuvwa ku marova. Imbuza yi kivi yi Ivugwi yuminya makuyu gagwo. Zisia ziagwo ziavunanywa; ziamanya niziuma kandi nizisambwa.

Ezekieli 19:14

Kitinya chu muzabibu yigu chaali nu muliru, muliru gwasamba zisia ziagwo na makuyu gagwo. Zisia si zilakave nizinguru kandi mba, si zilakave imbimbu yizingulu yu vwami kandi mba. Yilu nulwimbu lwovovereri; lumali kwimbwa haali kanyingi.

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 17:5

Maku imbimbu yu mundu wa inzi mali kotovola ilamela. Munzira yiyi nda heliza lililira lia kazozo lia vandu va Isiraeli kigira Ive.”

Livalidza 17:9

Musa yavugula zimbimbu ziosi namanyia vandu va Isiraeli. Valora chaali kimali kwekoleka, na vuli mwimiliri yavugula imbimbu yeeye.

Vahebraina 9:4

Mu Lihema yimwo mwaali mu nuvwaali vwi zahabu vwu kusambira ku kimuli kandi mwaali mu ni Lisandugu lie Lilagana liakunikwa ni zahabu. Lisandugu yilio liali mu nijuba yizahabu nayo yaali mu nimaana, kandi ni imbimbu ya Haruni yasivuka amatu, ni Vibaho viamagina viviri via malago gang'odwa ku.