Livalidza 17:5 - KITABU KITAKATIFU

⁵ Maku imbimbu yu mundu wa inzi mali kotovola ilamela. Munzira yiyi nda heliza lililira lia kazozo lia vandu va Isiraeli kigira Ive.”

Livalidza 17:5 ပူးပေါင်းရင်းမြစ်များ

2 Kyetsinyinga 26:16

Navuzwa lwu mwami Uzia yagwa wizingulu ligali, yaali ni liegingira; na lielola lilie liamudiviza. Si yahulira Yahova Nyasaye weve lwa yazia mu Litembeli ukusamba kimuli ku vwali mba.

Ezara 2:62

Visukululwi yivi vienyeleriza mu vitabu viduuki konyoora amita ga vaguuga vaavo, navuzwa si vaali vanyara konyoora mba. Kunangwa, valekwa kutura mu vusaalisi kigira vaali avadamanu.

Zaburi 105:26

Maku Nyasaye yatuma mutumikiri weve Musa, kandi Haruni, uwa yaali natovoye.

Kutwula 16:7

Mugambazuri mulalora vukumi vwa Yahova. Kigira umali kuhulira lielilira lienyu; yee, mumuhing'anaa, kigira kunyi kolondaa nokokola vuzwa amalago geege.”

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 13:11

Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Ezekieli 16:41

Navasambe zinyumba zienyu kandi navaleke muganda gwa vakali kolola amageri gamuhezaa. Ndaaza mukore kolekera kuva amalaya kandi na mukore namuleke kuhaana vihaanwa kuvayaanze vinyu.

Ezekieli 23:27

Inzi ndaheriza uvudamanu kandi uvulaya vuvwo vwosi vwakola nukikiri mu kivala cha Egebeti: Kunangwa, si ulalora kandi vifananyi anoho kwizuliza Egebeti kandi mba.”

Hosea 14:5

Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Livalidza 1:51

Lwa mwisunda havundu handi avandu vi hiiri ya Levi valasambula lihema ma valigingi kuhila havundu hoosi hamuzia hahia, valiumbake kandi. Mundu woosi uzia himbi ni lihema yili aliitwa.

Livalidza 11:1

Avandu va Isiraeli vatanga kwililira ku Yahova kigira uvudinyu vwavo. Lwa Yahova yahulira lielilira liavo, yaali nu vutima, maku Yahova yatuma muliru hagati ha vandu. Muliru gwasamba kandi nigudiviza luvega lulala kundulu hokososa haavo.

Livalidza 16:11

Lwa wililiraa ku Haruni harara nu muganda gwugwo, gaveeye giligali ndi mwibaara ku yahova.”

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 17:10

Yahova yavolera Musa, “Wilanyie imbimbu ya Haruni imbiri wi Lisandugu lia Malago. Lilava kuli lieganihiza ku avibaali va Isiraeli ndi valakuza niiva sivalaleka lielilira liavo.”

Livalidza 17:6

Kunangwa Musa yamoloma ku vandu va Isiraeli, kandi vuli umwimiliri yamuha imbimbu kutura kuvuli ihiiri, ziosi ziali zimbimbu 12, kandi imbimbu ya Haruni yavikwa harara nazio.

Livalidza 17:8

Maku lidiku lia londaku lwa Musa yazia mu lihema, yalora imbimbu ya Haruni eveeye muvogono vwi ihiiri ya vandu va Levi yaali ne meri. Imbimbu yiyi yaali niyaavaye, nitulizi kimuli kandi niyaami amakuyu mengu!

1 Vakorintho 10:10

Mutamoonya kuli valala kuvo vamoonya ma nivadivizwa ne Engelosi wi Likuza mba.

Joshua 4:7

mulakavavoolere ndi amazi ga Jorodani gavula kuvita lwa Lisandugu lie Lilagana lia Yahova liambuka mugera gwa Jorodani. Amagina yaga galagizulizi avandu va Isiraeli kazozo ichekolekaa hano.”