Livalidza 16:9 - KITABU KITAKATIFU

⁹ Muganaganaa ni kindu kekekeeke ku munyi Nyasaye wa Isiraeli Umali kumutovola kutura mu vandu vosi va Isiraeli, nu kumuleeta himbi kuye mwene kunangwa muduuki kokora miyinzi mu Lihema lilie, kandi kusingila imbiri wa vandu nu kuvatumikira?

Livalidza 16:9 ပူးပေါင်းရင်းမြစ်များ

Litanga 30:15

Lea yativura, “Si gaduuki ndi ivi umali kuvugura musaza wange? Kalunu ogerizaa kuvugura makuyu guvuyaanzi gu muyaayi wange.” Raheli yavoola, “Niiva ulamba makuyu guvuyaanzi gumuyaayi woovo, ivi unyala kuva harara na Yakobo uvudiku vwakalunu.”

2 Samweli 7:19

Nitali kalunu okolaa kali amanyingi ligali kuvita, O, Yahova umali kolomba lilagana kigira visukululwi viange mu mihiga jizaa. Oleki kandi mundu kolola yaga, O, Yahova Nyasaye Wuvunyali! Nyara komeeda kovora ki ku ivi!

2 Kyetsinyinga 35:3

Kandi mwami yavolera vandu va Levi avaari vigizi mu Isiraeli yoosi, kandi avaari avatakase ku Yahova; “Muviiki Lisandugu litakatifu lie lilagana lia Yahova, mu Litembeli lia Solomoni muyaayi wa Daudi mwami wa Isiraeli yumbaka. Mutaligi kandi ku mavega ginyu kutura yaaha na ahamba. Kalunu mutumikiri Yahova Nyasaye winyu, kandi avandu veve Isiraeli.

Nehemia 12:44

Mu ing'inga yeyo, avasaza vaatovolwa kusingilira ving'oze via mavikiru, gu uvwihaani vwi Litembeli vwaviikwa; harara ni zizaka, uvuswage vwukutanga, na makuyu gukutanga kwenga vuli muhiga. Kutura mu milimi jaali ahimbi na madaala, gavadukiraa valeete mu mavikiru gi zinyumba zie Litembeli vidieli vienyangwa ku Lilaga, avasaalisi na va Levi vahevwe, kigira avandu vosi va Ivuyuda vayanzizwa na vasaalisi kandi na vandu va Levi.

Isaya 7:13

Maku Isaya yativura, “Muhuliri, kalunu, munyi visukululwi via Daudi! Voveeye vudamanu ligali kogeliza liekuzira lia vandu. Mulageriza kandi liekuzira lia Yahova Nyasaye?

Ezekieli 34:18

Malala kugo galiiza vunyasi vulahi magasenasena mu vutigaye. Agandi ganweza mazi malahi magasena mu nukuduvura agatigaye.

Ezekieli 44:16

Yava nivo avingiraa mu Litembeli liange nukutumika ku vwali vwange, kandi valasigamira mu Litembeli.

Livalidza 1:53

Avandu vi ihiiri ya Levi valumbaka havundu hokososera haavo kukumberiza lihema nukulilinda, kunangwa uvutima vwange vuvuli kuduuka ku livugana lia vandu va Isiraeli.”

Livalidza 16:13

Yivi wakutuliza mukivala cha malova magunamu mu Egebeti kukwitira hano mwigendanyama! Kalunu yivi wenya kukwamiha!

Livalidza 16:8

Musa yaazizagilira komoloma ku Kora, “Muhuliri munyi avandu va Levi!

Livalidza 3:6

“Oleete avandu vi ihiiri ya Levi ma uvatovole kuva kuli avatumikiri vu musaalisi Haruni.

Livalidza 3:9

Miyinzi ja vandu vi ihiiri ya Levi jilava kutumikira Haruni navayayi veve.

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

1 Vakorintho 4:3

Inzi simbendaa mwoyo ligali kali niiva mulangalagila, anoho vandu vi kivala kungaragira mu kiyaalo mba. Gaveeye giligali inzi mwene sinyala kwikalagira mba.

Kwidzulitsa 10:8

Yahova yatovola avasaza vi ihiiri ya Levi, valindi Lisandugu lia malago ga Yahova, vamutumikiri kuli avasaalisi kandi kugasiza avandu mu lieta lilie. Yiji ni miyinzi jaavo kali kuduuka kalunu.

1 Samweli 18:23

Kunangwa vavoolera Daudi Makuva yaga, naye yativura, “Loveeye luyali lonene ligali kugwa navizara mwami, inguuva enene ligali ku mundu mudaka kandi utamanyikani kuli inzi.”