Livalidza 16:5 - KITABU KITAKATIFU

⁵ kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 16:5 ပူးပေါင်းရင်းမြစ်များ

Zaburi 105:26

Maku Nyasaye yatuma mutumikiri weve Musa, kandi Haruni, uwa yaali natovoye.

Zaburi 115:10

O, munyi vasaalisi va Nyasaye, musuuviri mu Yahova. Amukonyaa kandi amukingaa.

Zaburi 65:4

Vaveeye nuvugasu yavo avaotovolanga, nukuvaleeta vaduuki komenya ahatakatifu hoho. Kunyi kulakigutizwi ni vindu vilahi iviveeye munyumba yooyo, uvugasu vwi Litembeli liilio litakatifu.

Kutwula 28:1

“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi.

Kutwula 28:41

Uviiki zinguvu yizi ziosi ku Haruni amwavo woovo na vayaayi veve. Maku uviiki makono kuvo kandi uvaviiki halovega ku livavaka maguta ga muzeituni; kunangwa vaduuki kundumikira kuli avasaalisi.

Kutwula 28:43

Haruni na vayaayi veve kuduuka viviiki zisuruhali yizi kazozo lwa vazizaa mu Lihema liu kuvuganira mu, anoho lwa visunda ahimbi ku vwali kutumika kuli avasaalisi Havundu Hatakatifu, kunangwa vavuli kwitwa kigira kuva ni chahonyo. Yili liveeye lilago liukuhindira ku Haruni kandi visukululwi vivie.

Jeremia 30:21

Aviimiliri vaavo valatura mukivala chavo chene, avanene vaavo valatura hagati ha avandu vaavo vene. Ndamugerihiza, na alisunda himbi ku inzi, nivwaha unyala kogeriza kuuza vugira kogenihizwa?

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Jeremia 50:44

“Kuli isimba itulaa mu mulitu munene ahimbi nu mugera Jorodani nukuzia mukivala chuvwayiru vuvisi, Inzi, Yahova ndaaza kandi ndakora avandu va Babiloni nonoho kunyagula nu kuzia ihale kutura mu lidaala liavo. Maku mwimiliri wa Inzi nandovole alakamiihi ihiiri. Nivwaha unyala kufwananywa ninzi? Nivwaha wakaagelani ninzi? Mwami ki wakahing'ani ninzi?

Ezekieli 40:46

ne keng'oze keveeye kolovega lwi Ivaale ni cha vasaalisi avatumikaa ku vwali. Avasaalisi yava vaali ivisukulurwi via Zadoku, avaari vi ihiiri ya Levi avavugililwa kuzia imbiri wa Yahova kumutumikira.

Ezekieli 43:19

Avasaalisi vi ihiiri ya Levi, avaari visukululwi via Zadoku, yavo nivo veng'ine ava Inzi mbugilira vaze imbiri wange nukundumikira. Inzi Yahova Wuvunyali mali kulaga yaga. Ulavaha igiriki vahane kuli kisiuviriru chu vwoni.

Ezekieli 45:4

Kilava kidieli kitakatifu mu kivala, ichavikwa halovega kigira avasaalisi vatumikira Yahova mu Litembeli. Kilakave mu ni zinyumba zia vasaalisi kandi havundu hatakatifu hi Litembeli lilie.

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 8:2

“Hila Haruni harara na vayaayi veve ha vwingiliru vwi Lihema liu kuvuganira mu na Yahova, na uvaleetaneri zinguvu ziavo ziu vusaalisi, amaguta gu kwivaka, kemoli kigiriki chi kihanwa chu uvwoni, magondi mamigu gaviri, ni kihinda chuvuchima vutaveeye mu namamera.

Malaki 3:18

Avandu vange valakalole kandi kindu kilakekoleke hagati ha vandu valungi na vandu vachamu, ku mundu undumikira kandi mundu utandumikilaa.”

Livalidza 16:3

Vavugana harara kuhing'ana na Musa na Haruni, nivavavoolera, “Munyi muvitiliri! Avandu vosi vaveeye avatakatifu, vuli mulala kuvo kandi Yahova aveeye harara navo. Kigira ki munyi mwekora kuva avanene vu muganda gwa Yahova?”

Livalidza 16:6

Mukore yaga; muvuguli kiju chu muguva,

Livalidza 17:5

Maku imbimbu yu mundu wa inzi mali kotovola ilamela. Munzira yiyi nda heliza lililira lia kazozo lia vandu va Isiraeli kigira Ive.”

Livalidza 17:8

Maku lidiku lia londaku lwa Musa yazia mu lihema, yalora imbimbu ya Haruni eveeye muvogono vwi ihiiri ya vandu va Levi yaali ne meri. Imbimbu yiyi yaali niyaavaye, nitulizi kimuli kandi niyaami amakuyu mengu!

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Vikolwa 1:2

kuduuka ku lidiku lia yavugurwa kuzia mwigulu. Kuvugulwa, yahaana amalago mu zinguru zia Roho Mutakatifu ku avatumwa va yaali natovoye.

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 15:7

Lwa vamala kotevana amateeva manyingi, Petero yasingira navoora, “Avaamitu vange, munyi mumanyi vulahi ndi ku zing'inga ziavita, Nyasaye yandovola kutuia hagati hinyu, nzilwaze Ivangeri ku vandu Avizihiiri kunangwa vaduuki kuhulira nukusuuvira.

Vikolwa 22:14

Anania yavoola, ‘Nyasaye wa avaguuga viitu umali kokotovola uduuki kumanya uvulariri vwivwe, no kolola Mutumikiri mulungi weve, nu kumuhulira na amolomaa numwoyo gwigwe.

Vafeso 2:13

Navuzwa kalunu, mu Kristo Yeso munyi avamwali ihale maziambiri, muleeteywi ahimbi kuvitira mu masahi ga Kristo.

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Likunula 1:6

kandi umali kokolombera uvwami vwa avasaalisi vanene kutumikira Nyasaye weve, kandi Baba weve. Uvukumi ni zinguru vive ku Yeso Kristo imihiga ni imihiga. Amini.

1 Samweli 2:28

Ndatovora avinyumba yeeye kuva vasaalisi vange, kutura mu zihiiri ziosi zia Isiraeli, kutumika ha vwali, kusaamba kimuli kandi kwivika kisibaho imbiri wange ukwenya zing'anagani kutura ku inzi. Kandi ndavaha uvunyali vwu kuvugura kedonye chi visiuviliru viukusambwa ku vwali.